"Adyrna" ūlttyq portaly YouTube arnasynyŋ kezektı qonaǧy - aqyn Serıkzat Düisenǧazy.
Sūhbatta ol ädebiet, aitys, ǧylym jäne jeke ömır taqyryptary keŋınen qozǧady. Qonaq bala künınde körgen tūlǧalar, Erǧazy jäne Tūrsynǧazy Rahimovtar turaly estelıkterımen bölısıp, öleŋ jazuǧa kelu jolyn äŋgımeledı. Sonymen qatar Rinat Zaiytovpen bırge tūrǧan jyldary, aqyndyq pen ǧylymdy qatar alyp jüru, aqynnyŋ ünsız qaluy tiıs sätter men ışkı küidı tanu jaiy söz boldy.
Äŋgıme barysynda qazırgı jastardyŋ tılı, aqyndar üşın maŋyzdy qūndylyqtar, Säken Seifullinnıŋ tūlǧasy, Jürsın Ermannyŋ aitysqa qosqan eŋbegı jäne aitysty älemdık deŋgeige şyǧaru mäselesı köterıldı. Sondai-aq komandalyq aitystyŋ bolaşaǧy talqylandy.
Podkastyŋ eŋ äserlı bölıgı – aqynnyŋ jeke qasıretı. Ol ömırden ötken ūly Älihan turaly, keiın düniege kelgen Älımhan jaily aityp, qazaqtyŋ qazaǧa qatysty dästürlerı men taǧdyr turaly oilaryn bölıstı. Soŋynda jastarǧa aqyl-keŋes berıp, qazaq qoǧamy saq boluy tiıs üş maŋyzdy närsenı atap öttı.
