Senat janyndaǧy İnkliuziia jönındegı keŋestıŋ töraǧasy Läzzat Qaltaeva jaŋa Konstitusiia jobasyn qoldap, onda mügedektıgı bar azamattardyŋ qūqyqtary men müddelerı tolyq qamtamasyz etılgenın atap öttı.
Konstitusiialyq komissiianyŋ toǧyzynşy otyrysynda ol jaŋa Konstitusiia adamnyŋ qūqyqtary men bostandyqtarynyŋ eŋ joǧary qūndylyq ekenıne maŋyz beretının aitty. Būl prinsip tıkelei mügedektıgı bar adamdarǧa da qatysty.
«Jaŋa Konstitusiia jobasy azamattardy jasyna, auruyna, mügedektıgıne nemese basqa zaŋdy negızderge bailanysty äleumettık qamtamasyz etu kepıldıkterın qamtidy. Sonymen bırge, memleket pen qoǧamnyŋ mügedektık mäselelerıne közqarasy tek zaŋnamalyq deŋgeide ǧana emes, ıs jüzınde de - teŋ qūqyqtardy moiyndau jäne teŋ mümkındıkter jasau qaǧidasyna süienuı qajet», - dedı Läzzat Qaltaeva.
Ol jaŋa Konstitusiia jobasynyŋ kez kelgen diskriminasiiaǧa jol bermeu prinsipın saqtaitynyna erekşe toqtaldy. Osy tūrǧyda mügedektıgı bar adamdar üşın teŋ qoljetımdılıktı qamtamasyz etu – adam qūqyqtaryn ıske asyrudyŋ ajyramas bölıgı sanalady.
«Qazaqstan Respublikasynyŋ mügedekterdıŋ qūqyqtary jönındegı konvensiiadan tuyndaityn mındettemelerı jaŋa Konstitusiia qabyldanǧan jaǧdaida tolyq kölemde saqtalady», - dep aitty Senat janyndaǧy inkliuziia jönındegı keŋestıŋ töraǧasy.
Onyŋ aituynşa, jaŋa Konstitusiia jobasynyŋ alǧaşqy baptarynda-aq, konstitusiialyq qūrylym negızderıne arnalǧan bölımde, azamattardyŋ jaǧdaiyn naşarlatatyn normalardyŋ kerı küşın qoldanuǧa jol bermeu qaǧidaty bekıtılgen.
Läzzat Qaltaeva būl täsıldı qūqyq qoldanu täjıribesınde de bırtındep jüzege asyru qajet ekenın aitty.
«Aldyŋǧy otyrystarda jaŋa Konstitusiia jobasyn respublikalyq referendumǧa şyǧaru mäselesı qaraldy. Būl – memleket üşın Ata zaŋ sanalatyn qūjat. Ärbır azamat öz pıkırın teŋ bıldıruı tiıs», – dedı ol.
Sondai-aq, Läzzat Qaltaeva jaŋa Konstitusiia mätının inkliuziv formattarǧa: köru mümkındıgı şekteulı adamdar üşın – Brail qarpımen, intellektualdyq damuynda qiyndyqtary bar adamdar üşın – tüsınıktı tılge audaru qajettıgın atap öttı.
Qorytyndylai kele, ol jaŋa Konstitusiia jobasynda azamattardyŋ memlekettık basqaruǧa qatysuyn keŋeituge baǧyttalǧan normalar bar ekenın atap öttı. Būl äleumettık tūrǧydan osal toptardyŋ qūqyqtaryn qorǧaudy jäne inkliuziiany tiımdı jüzege asyruǧa qosymşa mümkındıkter beredı.
«Atalǧan täsılderdı, sondai-aq sarapşylar, azamattyq qoǧam ökılderı men halyq pıkırı negızınde aitylǧan konstruktivtı ūsynystardy eskere otyryp, jaŋa Konstitusiia jobasyn qūqyqtyq jäne äleumettık damyǧan memlekettıŋ maŋyzdy negızı retınde qoldauǧa bolady dep esepteimın», – dep tüiındedı Läzzat Qaltaeva.
