Qazaqstanda jaŋa Konstitusiia jobasyn tüsındıruge arnalǧan auqymdy aqparattyq marafon ötedı, dep habarlaidy “Adyrna” ūlttyq portaly.
Atalǧan ıs-şara jaŋa Konstitusiia jobasyn jan-jaqty tüsındıruge baǧyttalǧan aşyq aqparattyq alaŋ bolmaq. Ūiymdastyruşylardyŋ mälımetınşe, marafon 6 saǧatqa sozylady.
Bastaluy saǧat 12:00-ge josparlanǧan.
Şara barysynda 100-ge juyq sarapşy, zaŋgerler, qoǧam belsendılerı men memleket qairatkerlerı söz söilep, ūsynylyp otyrǧan özgerıster men tolyqtyrular töŋıregınde pıkır bıldıredı. Qatysuşylar jaŋa normalardyŋ maŋyzy, olardyŋ eldıŋ saiasi jäne qūqyqtyq jüiesıne yqpaly turaly talqylaidy.
Sonymen qatar marafon respublikalyq telearnalar arqyly, sondai-aq internet-portaldardyŋ YouTube jäne Facebook jelılerındegı resmi paraqşalarynda tıkelei efirde körsetıledı.
Ūiymdastyruşylardyŋ aituynşa, mūndai format halyqqa Konstitusiia jobasyndaǧy özgerısterdı keŋınen tüsındıruge jäne aşyq pıkır almasuǧa mümkındık beredı.
