7 nauryz künı Israel Defense Forces (SAHAL) İran aumaǧyndaǧy mūnai infraqūrylymyna alǧaşqy äue soqqylary jasalǧanyn mälımdedı. Äskerilerdıŋ aituynşa, şabuyl barysynda Tehran qalasynda kemınde 30 mūnai saqtau nysany nysanaǧa alynǧan. Būl turaly The Times of Israel basylymy jazdy, dep habarlaidy “Adyrna”.
İran Mūnai ministrlıgınıŋ ökılı Fars News Agency agenttıgıne bergen mälımdemesınde Tegeran men oǧan jaqyn ornalasqan Karaj qalasynda üş mūnai qoimasy şabuylǧa ūşyraǧanyn rastady. Al Islamic Republic News Agency (IRNA) agenttıgınıŋ mälımetınşe, osy qoimalardyŋ ekeuı İran astanasynyŋ oŋtüstıgındegı ırı mūnai öŋdeu zauytynyŋ maŋynda ornalasqan. Degenmen zauyttyŋ özı zaqymdanbaǧan.
İslam revoliusiiasy saqşylar korpusy jauap retınde İzraildıŋ Haifa qalasyndaǧy mūnai öŋdeu zauytyna zymyran soqqysyn jasaǧanyn mälımdedı. Alaida būl aqparatty İzrail tarapy rastaǧan joq.
Osy arada CNN telearnasy İzraildıŋ İrandaǧy mūnai qoimalaryna jasaǧan soqqylary qaqtyǧystyŋ kelesı kezeŋınıŋ bır bölıgı ekenın habarlady.
"İzrail soǧystyŋ kelesı kezeŋı aiasynda İrandaǧy mūnai qoimalaryna soqqy jasai bastady", - dedı telearnaǧa İzraildegı derekköz.
İzrail premer-ministrı Biniamin Netaniahu senbıde AQŞ pen İzraildıŋ İranǧa jasaǧan bombalau operasiiasy qalypty rejimde jalǧasatynyn jäne irandyqtar öz ükımetın qūlatuy mümkın sätı jaqyndap kele jatqanyn mälımdedı.
Sondai-aq, Netaniahu irandyq küştık qūrylym ökılderıne ündeu jasap, qaruyn tastaǧandarǧa eşqandai ziian kelmeitının aitty.
