Foto: GETTY IMAGES
AQŞ prezidentınıŋ qatysuymen ötken Aq üidegı Jurnalister assosiasiiasynyŋ qabyldauynda atys boldy. Memleket basşysy Donald Tramp, bırınşı hanym Melaniia Tramp, vise-prezident Djei Di Vens, qorǧanys ministrı Pit Hegset jäne densaulyq saqtau ministrı Robert Kennedi-mladşii dereu evakuasiialandy. Būl turaly VVS jazdy, dep habarlaidy “Adyrna”.
Oqiǧa kezınde atysqa ūqsas dybystar estılıp, Qūpiia qyzmettıŋ qyzmetkerlerı qarumen zalǧa kırdı. Qatysuşylar alǧaşqy oqtardan keiın üstel astyna jasyrynǧan.
BBC tılşısınıŋ habarlauynşa, FBR direktory Kaş Patel oqys oqiǧa kezınde özınıŋ qyzyn qorǧap jerge qūlaǧan.
«Men FBR direktory Kaş Pateldıŋ däl aldynda otyrdym. Atystar estılgen kezde, ol tez qyzyn öz denesımen jauyp, jerge qūlady», – dedı BBC tılşısı Sumi Somaskanda.
Onyŋ aituynşa, bırneşe minuttan keiın Qūpiia qyzmet agentı basqa agentterge Patel qauıpsız ekenın jäne onyŋ ornyn anyqtaǧanyn belgıledı.
«Barlyǧymyz tūra bastaǧan kezde, Patel telefonyna habarlamalar jazudy bastady. Bız oǧan ne bolǧanyn bılesız be dep sūramaq boldyq, bıraq ony dereu alyp kettı», — dedı Sumi Somaskanda.
Atystan bıraz uaqyt ötken soŋ, Tramp baspasöz mäslihatyn ötkızdı. Ol adamdardy öltıruge niettengen şabuyldauşy bırneşe qaru alyp jürgenın jäne bır Qūpiia qyzmet qyzmetkerıne oq tigenın aitty. Alaida ol qyzmetker bronejiletpen qorǧalǧan.
Tramptyŋ aituynşa, osy oqiǧadan keiın jurnalistermen kezdesu keiınge şegerıldı.
