AQŞ prezidentı Donald Tramp qatysqan ıs-şarada oq atqan adam Kaliforniiadan şyqqan 31 jastaǧy mūǧalım ekenı anyqtaldy. CNN-nıŋ qūqyq qorǧau organdaryna sılteme jasap mälımdeuınşe, aty atalǧan atysşy – Koul Allen, dep habarlaidy “Adyrna”.
LinkedIn-degı profilıne säikes, Allen C2 Education kompaniiasynda, iaǧni qosymşa bılım berumen ainalysatyn ūiymda jūmys ıstegen. 2024 jylǧy jeltoqsanda ūiym ony «aidyŋ üzdık mūǧalımı» dep ataǧan.
Federaldyq prokuror Djanin Pirronyŋ aituynşa, küdıktı düisenbı künı sotqa jetkızılmek. Oǧan küş qoldanu arqyly qarudy paidalanu jäne qūqyq qorǧau organy qyzmetkerıne şabuyl jasau boiynşa aiyp taǧylatyn bolady.
Oqiǧa Washington Hilton qonaqüiındegı banket zalynyŋ kıreberısınde boldy, onda baspasöz as keşı ötıp jatqan.
Şabuyl nätijesınde Bırıkken Qūpiia Qyzmetınıŋ qyzmetkerı jaraqat aldy – oq bronejiletke tiıp, ömırıne qauıp töngen joq. Atysşynyŋ äreketınıŋ sebepterı äzırge anyqtalǧan joq.
