BQO äkımı Nariman Töreǧaliev jetekşılık etken batysqazaqstandyq resmi jäne ıskerlık delegasiia Qytaiǧa jūmys saparymen bardy. Onyŋ aiasynda oblys äkımı Liaonin provinsiiasynyŋ gubernatory Van Sinveimen kezdestı. Is-şaranyŋ ötuıne Qazaqstan Respublikasynyŋ Qytai Halyq Respublikasyndaǧy Elşılıgı qoldau körsettı.
Halyq sany 40 millionnan asatyn Liaonin provinsiiasy – mūnai-gaz salasynda täjıribesı mol, önerkäsıptık äleuetı joǧary öŋır. Būl salalar Batys Qazaqstan oblysy üşın de erekşe maŋyzǧa ie. Agrarlyq sektordy damytudaǧy qolaily mümkındıkter jaǧynan da qos ölkenıŋ ūqsastyǧy köp. Aimaq basşysy Nariman Töreǧaliev Qazaqstan-Qytai qarym-qatynastarynyŋ «altyn 30 jyldyǧy» aiasynda öŋıraralyq yntymaqtastyq jaŋa deŋgeige köterıletınıne senım bıldırdı. Oblys äkımı ekı el köşbasşylarynyŋ basşylyǧymen Qytai men Qazaqstan arasyndaǧy strategiialyq ärıptestık sapalyq tūrǧydan nyǧaiyp kele jatqanyn atap öttı.
- Prezident Qasym-Jomart Kemelūly Toqaevtyŋ tapsyrmasymen bız öŋırdegı investisiialyq ahualdy odan ärı jaqsartyp, qyzyǧuşylyq tanytqan kompaniialarǧa jaŋa mümkındıkter ūsynyp otyrmyz. Qytailyq investorlarmen bırlesıp, sūiyq metanol, sement zauyttary, gaz turbinaly jäne jel elektr stansalaryn salu jäne özge de maŋyzdy jobalardy ıske asyryp jatyrmyz. Jūmys oryndaryn aşam, öndırıstı damytam degen investorlar üşın arnaiy ekonomikalyq aimaq bar, - dedı Nariman Töreǧaliev.
Liaonin provinsiiasynyŋ gubernatory Van Sinvei de öŋıraralyq yntymaqtastyqty damytuǧa niettı ekenın jetkızdı.
- QHR Töraǧasy Si Szinpin ekı el bır-bırıne senım artatyn strategiialyq serıktester ekenın ünemı atap ötedı. Keiıngı jyldary Liaonin ölkesı men Qazaqstan arasyndaǧy bailanys beki tüstı. Byltyr ekıjaqty sauda ainalymy 2,7 milliard iuanǧa jettı. Sızderdıŋ Halyqaralyq bauyrlas qalalar forumyna kelulerıŋız ortaq maqsat jolyndaǧy şynaiy yqylasty bıldıredı, - dedı Van Sinvei.
Qytailyq tarap dostyq bailanys, öndırıstık yntymaqtastyqty tereŋdetuden bölek, Qytai men Qazaqstan mädenietınıŋ jyly aiasynda mädeni-gumanitarlyq bailanystardy keŋeituge de müddelılık tanytty.
