Batys Qazaqstan oblysynda qyzmettık mındetın atqaru kezınde ekı polisiia qyzmetkerı qaza tapty, dep habarlaidy "Adyrna" ūlttyq portaly.
Būl turaly ışkı ıster ministrı Erjan Sädenov mälımdedı.
Ministr äleumettık jelıdegı paraqşasynda qaza bolǧan poliseilerdıŋ tuǧan-tuystary men jaqyndaryna köŋıl aitty.
«Qyzmettık mındetterın atqaru kezınde qaza tapqan Batys Qazaqstan oblysy PD Tasqala audandyq polisiia bölımınıŋ qyzmetkerlerı – polisiia maiory Abzal Ümbetqaliev pen polisiia aǧa serjanty Nūrǧali Ädietovtıŋ tuǧan-tuystary men jaqyndaryna köŋıl aitamyn», – dep jazdy Erjan Sädenov.
Sonymen qatar ışkı ıster ministrı vedomstvo tarapynan qaza tapqan polisiia qyzmetkerlerınıŋ otbasylaryna jan-jaqty qoldau körsetıletının jetkızdı.
Oqiǧanyŋ män-jaiy turaly äzırge qosymşa aqparat jariialanǧan joq.
