Memleket basşysy Qasym-Jomart Toqaev AQŞ Kongresınıŋ senatory Stiv Deinstı qabyldady. Būl turaly bügın, 8 şıldede Aqordanyŋ baspasöz qyzmetı jazdy, dep habarlaidy «Adyrna» tılşısı.
Kezdesude prezident Stiv Deinstı AQŞ täuelsızdıgınıŋ 250 jyldyǧymen qūttyqtady.
Memleket basşysy Qazaqstan men Qūrama Ştattar arasyndaǧy köpjosparly yntymaqtastyqtyŋ damu qarqynyn joǧary baǧalady. Sauda-ekonomikalyq jäne investisiialyq yqpaldastyqtyŋ ornyqty ösımıne nazar audaryldy. Prezident byltyr qaraşa aiynda AQŞ-qa sapary barysynda qol qoiylǧan ekıjaqty kelısımderdı sapaly jüzege asyrudyŋ maŋyzyn atap öttı.
Osy oraida Qasym-Jomart Toqaev jyl soŋynda Maiamide ötetın G20 sammitıne qatysu üşın AQŞ-qa jasaityn sapary aiasynda ekıjaqty yqpaldastyqty odan ärı tereŋdetuge daiyn ekenın aitty.
Memleket basşysy Qazaqstan men Qūrama Ştattar arasyndaǧy keŋeitılgen strategiialyq serıktestıktı nyǧaituǧa üles qosqany, sonymen bırge Djekson-Venik tüzetulerınıŋ küşın joiu jönındegı zaŋnamalyq bastamany ılgerıletu mäselelerı boiynşa elımızdı ūdaiy qoldap kele jatqany üşın senatorǧa rizaşylyǧyn bıldırdı.
Stiv Deins qazaq-amerika qarym-qatynasyn keŋeituge beiıldılıgı üşın Qasym-Jomart Toqaevqa AQŞ Prezidentı Donald Tramptyŋ jyly lebızı men yqylasyn jetkızdı.
Senator Qazaqstannyŋ jaŋa Konstitusiia qabyldaǧanyna erekşe toqtalyp, Prezidenttı auqymdy saiasi reformalardy tabysty ıske asyruymen qūttyqtady.
Stiv Deins Negızgı zaŋǧa arqau bolǧan qaǧidattar men qūndylyqtar Qazaqstandy quatty ärı ozyq memleket retınde odan ärı jaŋǧyrtuǧa berık negız qalaitynyna senım bıldırdı.
Äŋgımelesu barysynda halyqaralyq jäne aimaqtyq kün tärtıbınıŋ özektı mäselelerı jönınde pıkır almasu öttı.
