Äskerde boryşyn ötep jürgen qyz komandirler tarapynan qysym körgenın aitty, dep jazady "Adyrna" ūlttyq portaly.
Tengrinews.kz habarlauynşa, Almaty oblysy Şeŋgeldı eldı mekenındegı 54179 äskeri bölımınde boryşyn ötegen qyz "NeMolchiKz" qoǧamdyq qoryna jügınen. Ol 2019 jyldyŋ jeltoqsanynda üş jyl merzımge qyzmetke şaqyrylǧanyn, bıraq merzımınen būryn bosatylǧanyn aitty. Äskeri qyzmetşı batalon komandirlerı kelısımşart boiynşa qyzmet etuge kedergı keltırgenın aitty.
Qyzdyŋ aituynşa, äskeri bölımde qyzmet ete bastaǧan sätten-aq batalon komandirı qyr soŋyna tüsıp, qysym körsetken.
"Oǧan baǧynyşty ofiserler eşteŋenı baiqamaǧandai tür tanytyp, al äskeri bölım qolbasşylyǧy (...) eşqandai şara qoldanbady", - deidı qyz.Onyŋ aituynşa, ol äskeri bölım basşylyǧyna bırneşe ret jügıngen. Bıraq: "Ädemı qyzsyŋ, jeke ömırıŋe aralaspaimyz, men senıŋ aǧaŋ emespın, komandirdı taŋdamaidy, senı eşkım äskerge qolyŋnan süirep äkelgen joq", - degen jauap alǧan.
Qyz psoriaz jäne gastritpen äskeri gospitalǧa tüskenın aitty. Onyŋ aituynşa, batalon komandirı basqa bölımşege auystyrylǧan, al batalon komandirınıŋ ornyna onyŋ jaqyn dosy kelgen. Ol osydan keiın jäbırleu, qorlau, qysym köbeie tüskennın aitty.Qyz äskerden ketken. Ol mügedek anasy men ınılerınıŋ jalǧyz asyrauşysy, äkesı joq ekenı aityldy. Ol özın qorlaǧandarǧa şara qoldanudy sūraǧan. Qorǧanys ministrlıgı ökılderı şūǧyl komissiia qūrylǧanyn, ol äskeri bölımge baryp, oqiǧany egjei-tegjeilı zertteuge kırıskenın mälımdedı.
"Qatardaǧy Elşıbaevanyŋ äleumettık jelıde jariialaǧan derekterı rastalsa, kınälıler jūmystan bosatylyp, qylmystyq ıs qozǧalǧanǧa deiın qataŋ tärtıptık jauapkerşılıkke tartylady. Tergeu barysy qorǧanys ministrınıŋ jeke baqylauyna alyndy", - dedı vedomstvo ökılderı.
"Adyrna" ūlttyq portaly
