Äleumettık medisinalyq saqtandyru qory mındettı äleumettık medisinalyq saqtandyru qarajatyn qorǧau jüiesın däiektı türde küşeitıp, sifrlyq qadaǧalauǧa, täuekelge baǧdarlanǧan basqaruǧa jäne medisinalyq ūiymdarǧa qarajat audarylǧanǧa deiın negızsız tölemderdıŋ aldyn aluǧa negızdelgen qarjylyq baqylaudyŋ jaŋa modelıne köşude.
Būl jūmys Qordyŋ 2030 jylǧa deiıngı Damu strategiiasyn ıske asyratyn jäne Qazaqstanda densaulyq saqtaudy qarjylandyrudy memlekettık basqarudyŋ jaŋa modelıne köşıru şaralarynyŋ negızgı baǧyttarynyŋ bırı.
Baqylaudy küşeitu jäne jauapkerşılık būltartpastyǧy qaǧidaty
Qūqyq qorǧau organdary tergep jatqan qazırgı epizodtar jüienıŋ būrynǧy jūmys kezeŋderıne (2024-2025 jj.) qatysty. Materialdardyŋ edäuır bölıgın Qordyŋ özı baqylau ıs-şaralary barysynda anyqtap, prosestık şeşımder qabyldau üşın qūqyq qorǧau organdaryna joldaǧan.
Būzuşylyqtar ıs jüzınde körsetılmegen medisinalyq kömektı körsetu, qyzmet kölemderın qosyp jazu, azamattardy jalǧan bekıtu, pasientterdıŋ derbes derekterın zaŋsyz paidalanu, sondai-aq MÄMS qarajatyn zaŋsyz aludyŋ basqa da shemalarymen bailanysty.
2026 jyldyŋ bırınşı jartyjyldyǧynyŋ qorytyndysy boiynşa Qor jalpy somasy 4,5 mlrd teŋgenı qūraityn būzuşylyqtar jönındegı 72 materialdy qūqyq qorǧau organdaryna joldady. Olardy qarau nätijesınde 27 qylmystyq ıs tırkelıp, olar boiynşa keltırılgen zalaldyŋ belgılengen mölşerı 3,7 mlrd teŋgenı qūrady.
Salystyru üşın, 2025 jyldyŋ tolyq kezeŋınde 630 mln teŋge somasyna 73 material joldanyp, olar boiynşa 8 qylmystyq ıs tırkelgen.
Būl rette anyqtalǧan būzuşylyqtar kölemınıŋ artuy terıs paidalanu faktılerınıŋ köbeigenın emes, Qordyŋ baqylau funksiiasynyŋ sapaly küşeigenın, taldamalyq qūraldardyŋ jetıldırılgenın jäne ärbır anyqtalǧan faktını qūqyqtyq baǧa beruge deiın jetkızu jūmysynyŋ küşeigenın körsetedı.
Qordyŋ ūstanymy qaǧidatty ärı özgerıssız: MÄMS qarajatyn zaŋsyz paidalanudyŋ ärbır rastalǧan faktıge obektivtı qūqyqtyq baǧa berılıp, kınälı tūlǧalar zaŋnamaǧa säikes jauapkerşılıkke tartyluǧa, al memleketke keltırılgen zalal öteluge tiıs.
Būzuşylyqtardy anyqtaudan olardyŋ aldyn aluǧa köşu
Qūqyq qorǧau organdarymen özara ıs-qimyldy küşeitumen qatar, Qor qarjylyq baqylau jūmystaryna özgerıs engızude.
Eger būryn būzuşylyqtardy anyqtau kezındegı negızgı jūmys qarajat audarylǧannan keiın oryndalsa, jaŋa model aldyn alu şaralaryn medisinalyq ūiymǧa tölem jürgızgenge deiın oryndaudy közdeidı.
Qordyŋ damu strategiiasyn ıske asyru şeŋberınde Qalqan IT-platformasyn, avtomattandyrylǧan antifrod jüiesın jäne derekterdı taldaudyŋ täuekelge baǧdarlanǧan algoritmderın qamtityn qarjylyq baqylaudyŋ bıryŋǧai sifrlyq ekojüiesı engızılude.
Jaŋa sifrlyq qūraldar naqty uaqyt rejimınde medisinalyq kömektıŋ qalyptan tys kölemderın, jappai negızsız jazbalardy, medisinalyq qyzmet jetkızuşılerdıŋ jalǧan qyzmet belgılerın, körsetılgen qyzmetter kölemın jasandy türde ūlǧaitudy jäne basqa da täuekel ssenariilerın anyqtauǧa mümkındık beredı.
Pasient baqylaudyŋ tolyqqandy qatysuşysyna ainalady
Jaŋa modeldıŋ maŋyzdy elementı qoǧamdyq baqylau tetıkterın damytu bolmaq. Ärbır azamat özınıŋ atyna tırkelgen medisinalyq qyzmetterdı jedel tekserıp, ıs jüzınde mūndai kömek körsetılmegen jaǧdailar turaly habarlai alady.
Mūndai ötınışter tekseruler jürgızuge arnalǧan täuekel indikatorlarynyŋ qosymşa közı retınde paidalanyldy.
MÄMS qarajatyn qorǧaudyŋ jaŋa modelı
«Äleumettık medisinalyq saqtandyru qory» KEAQ Basqarma Töraǧasy Gülmira Säbdenbek baqylaudy küşeitu bır rettık nauqan emes, densaulyq saqtaudaǧy qarjylyq basqarudyŋ jüielı reformasy ekenın atap öttı.
«Qor baqylau täsılın tübegeilı özgertuge bet būrdy. Iаǧni, būzuşylyqtardy keiın anyqtaudyŋ ornyna olardy aldyn alu şaralaryn qolǧa alamyz. Bızdıŋ maqsatymyz medisinalyq ūiymdarǧa qarajat audarylǧanǧa deiın negızsız tölemderdıŋ jasaluyna jol bermeu. Būl ärbır teŋgenıŋ maqsatty jūmsaluyn qamtamasyz etıp, azamattardyŋ MÄMS jüiesıne senımın nyǧaituǧa mümkındık beredı», – dep atap öttı Gülmira Säbdenbek.
Bügıngı künı 5,5 mln astam qazaqstandyq MÄMS jarnasyn tölep, audarym jasaidy. Jaŋa baqylau jüiesı olardyŋ ärqaisysyna MÄMS qarajaty tek naqty körsetılgen medisinalyq kömekke jūmsalyp, maqsatty baǧytta paidalanǧanyna qataŋ baqylau jasalǧanyna senımdı boluǧa mümkındık beredı.
