Densaulyq saqtau jüiesı – qoǧamnyŋ äleumettık damuy men halyqtyŋ ömır sapasyn aiqyndaityn maŋyzdy salalardyŋ bırı. Būl jüienıŋ tiımdı jūmys ısteuı medisina qyzmetkerlerınıŋ käsıbilıgıne jäne medisinalyq kömektıŋ qoljetımdılıgıne bailanysty.
Äsırese auyldyq jerlerdegı densaulyq saqtau qyzmetınıŋ maŋyzy zor, sebebı elımız halqynyŋ edäuır bölıgı auyldyq aimaqtarda tūrady.
Medisina qyzmetkerlerı adam ömırı men densaulyǧyn saqtauǧa jauapty mamandar bolyp tabylady. Olar aurulardyŋ aldyn alu, diagnostikalau jäne emdeu jūmystaryn jürgızıp, qoǧamnyŋ saulyǧyn qamtamasyz etedı. Sondyqtan därıgerler men orta buyn medisina qyzmetkerlerınıŋ eŋbegı ärdaiym joǧary baǧalanuǧa tiıs.
Soŋǧy jyldary Qazaqstanda auyldyq densaulyq saqtau jüiesın damytuǧa erekşe köŋıl bölınıp keledı. «Auyldyq densaulyq saqtaudy jaŋǧyrtu» ūlttyq jobasy aiasynda elımız boiynşa 460-tan astam jaŋa medisinalyq nysan salyndy. Būl şalǧai eldı meken tūrǧyndarynyŋ sapaly medisinalyq kömekke qol jetkızu mümkındıgın arttyrdy.
Densaulyq saqtau ministrlıgınıŋ mälımetınşe, qabyldanǧan şaralardyŋ nätijesınde auyldyq jerlerdegı därıger tapşylyǧy soŋǧy jyldary aitarlyqtai qysqarǧan. Sonymen qatar auylǧa jūmysqa barǧan mamandarǧa äleumettık qoldau körsetılıp, köterme järdemaqylar men tūrǧyn üi kömegı berılude.
Soǧan qaramastan, auyl medisinasynyŋ aldynda şeşımın kütken mäseleler de bar. Keibır şalǧai eldı mekenderde bılıktı mamandardyŋ jetıspeuı, medisinalyq qyzmettıŋ qoljetımdılıgı men kadrlyq tūraqtylyq mäselelerı älı de kezdesedı. Sondyqtan auyldyq medisinany damytu, jas mamandardy öŋırlerge tartu jäne medisinalyq infraqūrylymdy jetıldıru jūmystary jalǧasuy qajet.
