Qazaqstan azamattary Qytaimen şekaradaǧy Qorǧas ötkızu beketınde saqal qoiǧan er azamattarǧa qatysty qosymşa tekseru jürgızılıp jatqany turaly aqprat tarady, dep habarlaidy “Adyrna” tılşısı.
Olardyŋ aituynşa, keibır er adamdardan saqalyn qyru talap etılgen.
Orda.kz deregınşe, jolauşylardyŋ bırı Samat Avganovtan 2022 jyldan berı jūmys babymen Qytaiǧa tūraqty qatynap jürgen. Alaida būǧan deiın mūndai talapqa tap bolmaǧanyn aitady.
Onyŋ aituynşa, 3 qyrküiekte Qorǧas arqyly Qytaiǧa ötu kezınde qyzmetkerler saqalyn qyrudy nemese Qazaqstanǧa qaitudy ūsynǧan. Nätijesınde ol jäne bırge jürgen azamattar saqaldaryn qyrǧan.
Taǧy bır jolauşy Şyŋǧys Qūdaibergenov mūndai tekserulerdıŋ bırneşe künnen berı jürgızılıp jatqanyn aitty. Onyŋ sözınşe, saqaldy er azamattardy polisiia qyzmetkerlerı toqtatyp, saqalyn qyrudy talap etedı. Kei jaǧdaida būl üderıs videoǧa tüsırıluı mümkın.
Degenmen, özge er adam jelıde mūndai äreket talap etılmegenın jazǧan.
Saqal qyru talap etıluı turaly aqparat äzırge resmi rastalǧan joq.
Aita keteiık, Qytaidyŋ Şyŋjaŋ-Ūiǧyr avtonomiialyq audanynda syrtqy kelbetke qatysty bırqatar şekteuler būǧan deiın de bolǧan. 2017 jyly aimaqta «qalyptan tys saqal» ekstremistık ideologiianyŋ belgılerınıŋ bırı retınde qarastyrylǧan.
