Memleket basşysy Qasym-Jomart Toqaev Resei Federasiiasynyŋ prezidentı Vladimir Putindı toǧyzynşy şaqyrylymdaǧy Memlekettık Duma sailauynyŋ tabysty ötuımen qūttyqtady. Būl turaly 21 qyrküiekte Aqordanyŋ baspasöz qyzmetı aitty, dep habarlaidy «Adyrna» tılşısı.
Prezident atalǧan sailau Reseidıŋ qoǧamdyq-saiasi ömırındegı maŋyzdy oqiǧa ekenın, al dauys beru nätijesı Reseidıŋ ūzaqmerzımdı müddesın qorǧauǧa baǧyttalǧan Vladimir Putinnıŋ strategiialyq baǧdaryn halyq keŋınen qoldaitynyna aiqyn dälel bolǧanyn atap ötken.
«Sailanǧan Memlekettık Duma deputattary azamattardyŋ äl-auqatyn köteru jäne Reseidıŋ älemdık derjava retındegı äleuetın nyǧaitu maqsatynda tiımdı şaralar men şeşımder qabyldaitynyna kümän joq»,–delıngen qūttyqtauda.
Jedelhatta Qazaqstan-Resei odaqtastyq qarym-qatynasynyŋ maŋyzdy bölıgı retınde parlamentaralyq yqpaldastyqqa airyqşa nazar audarylǧan.
Qazaqstan prezidentı Qūryltai deputattary men Resei parlamentariilerı ekı el arasyndaǧy san qyrly yntymaqtastyq pen strategiialyq serıktestıktı odan ärı damytu üşın bırlesken jūmysty belsendı jalǧastyratynyna senım bıldırdı.
Qasym-Jomart Toqaev Vladimir Putinnıŋ Resei Federasiiasynyŋ örkendeuı jolyndaǧy memlekettık qyzmetıne tolaiym tabys tıledı.
