Jambyl oblysynda «Äulieata jastary» baǧdarlamasy şılde aiynda ıske qosylmaq. Joba öŋır jastaryn qoljetımdı tūrǧyn üimen qamtamasyz etuge jäne jas otbasylarǧa qoldau maqsatynda daiyndaldy. Ony äzırleude oblystyŋ erekşelıkterın eskere otyryp jäne Nūr-Sūltan, Almaty qalalarynda oŋ nätije bergen pilottyq baǧdarlamalar negızınde alyndy. Būl turaly ÖKQ baspasöz alaŋynda oblys äkımınıŋ orynbasary Üisımbaev Erkın Qūlymbaiūly aitty.
Onyŋ sözınşe, būǧan deiın oblysta jastar men jas otbasylardy tūrǧyn üimen qamtamasyz etuge baǧyttalǧan arnaiy baǧdarlama bolmaǧan.
«Jalpy oblysta tūrǧyn üi aluǧa kezekte – 7 140, jer telımın aluǧa kezekte tūrǧan 10 787 jas bar. Ötken jyly ipotekalyq nesie räsımdegen jastar sany 318-dı qūrady. Baǧdarlamaǧa jergılıktı biudjetten 500 mln teŋge bölındı. Jastarǧa berıletın qaryzdyŋ eŋ joǧary somasy – 13 mln teŋgege deiın. Nesie beru uaqyty – 19 jyl. Paiyzdyq mölşerleme – 5%, bastapqy jarna – 5%. Qamtu – 50 adam», – dep atap öttı spiker.Erkın Qūlymbaiūly öŋırde 13 mln teŋgege deiın 1 744 päter bolsa, 1 110 tūrǧyn üidıŋ bar ekendıgı anyqtalǧanyn mälımdedı. Baǧdarlamaǧa tömendegı qyzmet salalarynda jūmys ısteitın 35 jasqa deiıngı QR azamaty qatysady jäne negızgı qatysuşy retınde tek erlı-zaiyptylardyŋ bıreuı ǧana qatysa alady.
