Foto: Aqorda
Memleket basşysy Qasym-Jomart Toqaev mūǧalımderdı käsıbi merekesımen qūttyqtady. Aqordada ūstazdardyŋ käsıbi merekesıne orai saltanatty ıs-şara öttı, dep habarlaidy "Adyrna".
Qasym-Jomart Toqaev pedagogterdı merekesımen qūttyqtap, Mūǧalım künı bükıl qoǧamdy bırıktıretın, naǧyz halyqtyq sipaty bar, qasterlı de qadırlı merekege ainalǧanyn atap öttı.
"Ūstaz – är adamnyŋ ömırınen erekşe oryn alatyn tūlǧa. Būǧan eşkımnıŋ de talasy joq dep oilaimyn, būl – bärımızge ortaq pıkır. Ūstazdy ūlyqtau örkeniettı qoǧamnyŋ bolmysyn aiqyndaityn asa maŋyzdy qasiet sanalady. Ūlt oişyly Abai adamnyŋ adamdyǧy jaqsy ūstazdan bolatynyn aitqan. Halqymyzdyŋ zaŋǧar jazuşysy Mūhtar Äuezov te «Ūstaz – ūly esım» dep qadır tūtqan. Mūǧalımder qauymyna zor qūrmetpen qarau, olardyŋ ūlt bolaşaǧy üşın atqaryp jatqan tabandy eŋbegıne alǧys aitu – barşamyzǧa ortaq paryz. Äsırese, qazırgıdei aqparattar aǧyny küşeiıp, ozyq tehnologiia qarqyndy damyǧan zamanda mūǧalımnıŋ rölı äldeqaida arta tüskenı aqiqat", – dedı Prezident.
Qasym-Jomart Toqaev Memleket basşysy retınde ūstazdardy jan-jaqty qoldau jūmysyna airyqşa män beretının jetkızdı.
"Barşaŋyzǧa mälım, bız «Pedagog märtebesı turaly» arnaiy zaŋ qabyldadyq. Memlekettık marapattar tızımıne «Qazaqstannyŋ eŋbek sıŋırgen ūstazy» ataǧy engızıldı. Elımızde bırneşe mūǧalım eŋ joǧary memlekettık nagrada – «Qazaqstannyŋ Eŋbek Erı» ataǧyna ie boldy. 5 qazan künı Ūstazdardyŋ käsıbi merekesı retınde naqty bekıtıldı. Bız jyl saiyn bır qoǧam bolyp osy meiramdy keŋ kölemde atap ötıp jürmız. Biyl da mereke künderı barlyq aimaqta äkımder mūǧalımder qauymyn marapattap, olarǧa erekşe qūrmet körsetıp jatyr. Ūstazdardy däl osylai jalpyūlttyq deŋgeide ūlyqtau ısı jalǧasyn tabady. Būl – memleketımız üşın män-maŋyzy airyqşa mındet", – dedı Prezident.
