Ukrainanyŋ Harkov oblysynda dron şabuylynan alty adam qaza tapty, dep habarlaidy “Adyrna” tılşısı DW-ǧa sıltep.
Qaza bolǧandardyŋ arasynda bır jastaǧy jäne 11 jastaǧy balalar bar. Taǧy 15 adam jaraqat aldy, olardyŋ jeteuı – balalar.
Oqiǧa 19 qazanda bolǧan. Reseidıŋ Shahed ülgısındegı drony adamdar demalyp jürgen saiabaqqa soqqy jasaǧan. Harkov oblystyq äskeri äkımşılıgınıŋ basşysy Oleg Sinegubov qaza tapqandar men zardap şekkender turaly mälımet berdı.
Ukraina prezidentı Vladimir Zelenskii şabuyldy aiyptap, qaza tapqandardyŋ arasynda bır jasar Angelina esımdı qyz bolǧanyn habarlady. Onyŋ anasy İnna auruhanada köz jūmǧan.
Sondai-aq Zelenskii Ukrainaǧa äue şabuylyna qarsy qorǧanys jüielerın jetkızudı küşeituge şaqyrdy. Ol AQŞ pen Europa elderın Ukrainaǧa qoldaudy jalǧastyryp, Reseige qarsy sanksiialyq qysymdy arttyruǧa ündedı.
Ukraina prezidentınıŋ aituynşa, el beibıtşılıktı qalaidy, alaida Resei soǧys qimyldaryn jalǧastyryp otyr.
