Işkı ıster ministrlıgı qazaqstandyqtarǧa SMS habarlama arqyly eskertu jasady, dep habarlaidy «Adyrna» tılşısı.
SMS arqyly alaiaqtyq turaly halyqty bıryŋǧai habardar etu turaly 4 tamyzda Işkı ıster ministrınıŋ Sifrlyq damu ministrlıgınıŋ ökılderımen jäne bailanys operatorlarymen kezdesuınde aitylǧan bolatyn.
Mobildı bailanys Qazaqstannyŋ ärbır tūrǧynyna tūrǧylyqty jäne ornalasqan jerıne qaramastan qoljetımdı bolǧandyqtan, SMS arqyly alaiaqtyq faktılerı turaly aqparat beru azamattardy jedel habardar etuge mümkındık beredı.
IIM saqtyq şaralaryn eske salady:
IIM saqtyq şaralaryn eske salady:
– aqşany qauıpsız şottarǧa audaru, nesienı räsımdeu turaly özderın bank nemese qūqyq qorǧau organdarynyŋ qyzmetkerı retınde tanystyrǧan adamdardyŋ telefon arqyly nūsqaulyqtaryna ermeu qajet. Qūqyq qorǧau organdary arnaiy operasiialardy telefon arqyly jürgızbeidı; – özderın bank, polisiia qyzmetkerlerı retınde tanystyrǧan adamdarǧa derbes derekterdı, plastikalyq kartalardyŋ derektemelerın, audarymdar turaly tübırtekterdı, äsırese kodtar men qūpiia sözderdı habarlamaŋyz; – belgısız jäne tekserılmegen saittarǧa jäne basqa közderge jeke derekterdı bermeŋız. Tekserusız aldyn ala tölem jürgızbeŋız. Tauardy alǧannan keiın tölem jasauǧa kelısuge tyrysyŋyz; – kümändı şarttar boiynşa audarymdardy jüzege asyrmaŋyz; – qosymşalardy ornatu üşın tek resmi App Store men Play Market közderın paidalanyŋyz; – belgısız adamdardan kelıp tüsken sıltemege kırmeŋız. Köbınese alaiaqtar tölem jasau üşın fişingtık bolyp tabylatyn sılteme boiynşa ötudı ūsynady; – banking qyzmetıne qol jetkızu qūpiia sözderın jiı özgertıp otyryŋyz. 3D-qorǧaudy jäne bankter ūsynatyn basqa qauıpsızdık şaralaryn qoldanyŋyz; – öz şottaryŋyzdaǧy aqşa ainalymyn jiı tekseru qajet.
