Qairat Joldybaiūly öz instagram paraqşasyna meşıt turaly taqyrypqa dosymen bolǧan sūhbat barysyn jariialady, dep habarlaidy "Adyrna" ūlttyq portaly.
"— Ūrlyq aqşaǧa meşıt saluǧa bola ma?
— Bolady. Bıraq sauaby joq. Qūdaidy eşkım aldai almaidy.
— Sonda ondai meşıtte namaz oquǧa bolmai ma?
— Bolady. Öitkenı ol ūrlyq aqşa äu basta halyqtıkı bolǧan.
— Sız özıŋız sol meşıtte namaz oqyr ma edıŋız?
— Jolym tüsse, mındettı türde oqimyn.
— Meşıtke jūrt nelıkten qarsy bolyp jatyr?
— Sebebı 30 jyl eldı tonaǧandarǧa degen renış meşıtke köleŋke tüsırdı.
— “Meşıttıŋ ornyna zauyt, mektep salu kerek edı” deitınder bar.
— Meşıt te, mektep te, zauyt ta qajet. Bır-bırıne qarsy qoimau kerek. Bıraq tek meşıt salsam ǧana, sauap alamyn deu qate. Halyqqa qajet, paidaly kez-kelgen dünienı jasau qūlşylyq häm ülken sauap. Käsıpkerler “Garvard” sekıldı ǧylym ordalary men “Nasa” sekıldı zerthanalardy qūryp jatsa, myŋ meşıtke bergısız sauap ıs bolar edı.
— Şetelden bırqatar müftiler qatysty. Al bızdıŋ müfti töbe körsetken joq. Nelıkten?
— Dınnıŋ saiasilanǧandyǧynyŋ körınısı.
— Būl protest bolsa, şeteldık müftilerdı şaqyrmau kerek edı. Al şaqyryp alyp, özıŋ barmau kem degende sol müftilerge qūrmetsızdık häm ūiat närse emes pe?
— Ūiat närse.
— Müfti auyryp qaldy degen aqparat şyqty. Eger Toqaev qatysqanda, auyryp qaldym dep qatysudan bas tartar ma edı?
— Joq. Qyzuy köterılıp, basy ainalyp tūrsa da, şūǧyl em-dom jasap, sistema qūiyp bır-ekı saǧatqa kelıp, qatysar edı.
— Bolaşaq ne bolady?
— Eger prezident batyl häm ädıl bolsa, jaqsy bolady degen ümıt bar. Bıraq jaraly qasqyrlardyŋ qaita şabuynan asa saq bolǧan jön.
Bır tanysymmen sūqbatymyz osyndai räuışte örbıdı",- dep jazdy ol.
Esterıŋızge sala keteiık, keşe eks-prezident Nūrsūltan Nazarbaev Ortalyq Aziiadaǧy eŋ ülken kölemdegı meşıttı salǧyzyp, keşe aşylu saltanaty bolǧan edı. Halyqtyŋ jarty bölıgı meşıtke qarsylyqtaryn bıldırude.
"Adyrna" ūlttyq portaly
