Qaırat Joldybaıuly óz ınstagram paraqshasyna meshit týraly taqyrypqa dosymen bolǵan suhbat barysyn jarııalady, dep habarlaıdy "Adyrna" ulttyq portaly.
"— Urlyq aqshaǵa meshit salýǵa bola ma?
— Bolady. Biraq saýaby joq. Qudaıdy eshkim aldaı almaıdy.
— Sonda ondaı meshitte namaz oqýǵa bolmaı ma?
— Bolady. Óıtkeni ol urlyq aqsha áý basta halyqtiki bolǵan.
— Siz ózińiz sol meshitte namaz oqyr ma edińiz?
— Jolym tússe, mindetti túrde oqımyn.
— Meshitke jurt nelikten qarsy bolyp jatyr?
— Sebebi 30 jyl eldi tonaǵandarǵa degen renish meshitke kóleńke túsirdi.
— “Meshittiń ornyna zaýyt, mektep salý kerek edi” deıtinder bar.
— Meshit te, mektep te, zaýyt ta qajet. Bir-birine qarsy qoımaý kerek. Biraq tek meshit salsam ǵana, saýap alamyn deý qate. Halyqqa qajet, paıdaly kez-kelgen dúnıeni jasaý qulshylyq hám úlken saýap. Kásipkerler “Garvard” sekildi ǵylym ordalary men “Nasa” sekildi zerthanalardy quryp jatsa, myń meshitke bergisiz saýap is bolar edi.
— Shetelden birqatar múftıler qatysty. Al bizdiń múftı tóbe kórsetken joq. Nelikten?
— Dinniń saıasılanǵandyǵynyń kórinisi.
— Bul protest bolsa, sheteldik múftılerdi shaqyrmaý kerek edi. Al shaqyryp alyp, óziń barmaý kem degende sol múftılerge qurmetsizdik hám uıat nárse emes pe?
— Uıat nárse.
— Múftı aýyryp qaldy degen aqparat shyqty. Eger Toqaev qatysqanda, aýyryp qaldym dep qatysýdan bas tartar ma edi?
— Joq. Qyzýy kóterilip, basy aınalyp tursa da, shuǵyl em-dom jasap, sıstema quıyp bir-eki saǵatqa kelip, qatysar edi.
— Bolashaq ne bolady?
— Eger prezıdent batyl hám ádil bolsa, jaqsy bolady degen úmit bar. Biraq jaraly qasqyrlardyń qaıta shabýynan asa saq bolǵan jón.
Bir tanysymmen suqbatymyz osyndaı ráýishte órbidi",- dep jazdy ol.
Esterińizge sala keteıik, keshe eks-prezıdent Nursultan Nazarbaev Ortalyq Azııadaǵy eń úlken kólemdegi meshitti salǵyzyp, keshe ashylý saltanaty bolǵan edi. Halyqtyń jarty bóligi meshitke qarsylyqtaryn bildirýde.
"Adyrna" ulttyq portaly
