Qaŋtarda poliseilerdıŋ azaptauynan 6 adam qaza tapty. Būl turaly Bas prokuraturanyŋ Qylmystyq qudalau qyzmetı bastyǧynyŋ orynbasary Eldos Qilymjanov QR Prezidentı janyndaǧy OKQ-da ötken brifingte habarlady, dep jazady "Adyrna" ūlttyq portaly.
"Qūqyq qorǧau qyzmetkerlerınıŋ rūqsat etılmegen jauap alu ädısterın qoldanu saldarynan jappai tärtıpsızdıkterge qatysu boiynşa küdıktı 6 adam qaza bolǧany tergeumen anyqtaldy. Būl faktılerdıŋ barlyǧy arnaiy prokurorlarmen jan-jaqty tergelude, 15 qūrylymdyq küş qyzmetkerlerı küdıktı retınde tanyldy, olarǧa türlı būltartpau şaralary taŋdaldy", - dedı Eldos Qilymjanov.Sonymen bırge, Taldyqorǧan qalasyndaǧy blokpostarda jäne äskeri bölımnıŋ janynda, sondai-aq Almaty qalasyndaǧy alaŋda jekelegen azamattardyŋ qaza boluyna äkep soqqan, öz ökılettıkterın asyra paidalanǧany üşın bırqatar äskeri qyzmetkerler qylmystyq jauaptylyqqa tartyluda.
"Joǧaryda atap ötkenımdei, būl prosesstıŋ qiyndyǧyn jäne tergeudıŋ auqymdylyǧyn eskere otyryp, qalǧan adamdardyŋ qaza bolu män-jailary jäne olardyŋ ölımıne kınälı adamdardy anyqtau jürgızılıp jatqan tergep-tekserulerdıŋ aiasynda jürude",- dedı ol.
"Adyrna" ūlttyq portaly
