Aldyŋǧy joly jazǧanymdai, şamalauymşa 2019-dyŋ basynan bolu kerek, käsıbi jalaqorlardyŋ nysanasyna ainala bastadym. Bastapqyda, jazbalary qateden köz tūnatyn, öŋşeŋ sauatsyz ärı auzyna ne kelse sony aitatyn adamdar tasadan tūryp tas ata bastaǧanda “solardy qoişy, esı dūrys adam osyndaiǧa sene me?” dep köŋıl bölmegenmın.
Keiınnen būlar toptasyp, kädımgıdei qara küşke ainala bastady. Artynan bırınıŋ tırsegın bırı şainap, özara qyrqysyp baryp joiyldy bılem, qazır qarasy körınbeidı. Bıraq, äleumettık jelı, sonyŋ ışınde iutubta qūsyp tastaǧan videolary künı bügınge deiın bar. Anda-sanda auyldyq jerlerge bara qalǧanda, el-jūrt: «Sol videoda sız turaly büi dedı, ne aitasyz?»,– dep sūraityn kezderı de bolady.Iаǧni, būlardy bız elep-eskermegenımızben, qarapaiym auyl tūrǧyndary tarapynan būndai sapasyz dünielerge de sūranys bar degen söz! Onyŋ üstıne qazır elge tanymal tūlǧalar, keibır saiasatker dep jürgen aǧalarymyzda qazaqtıldı ortada osy täsıldı qoldanatyn boldy. “Anau satqyn, anauda satqyn, jalǧyz men ǧana küresker” degen qyp-qyzyl populizm olardyŋ kündelıktı ritorikasyna ainaldy. Sebep? Sebep bıreu! Qazaqtıldı orta küşke, küş bolǧanda da öte ülken küşke ainaldy! Al ol ortaǧa ötetın äŋgıme joǧaryda aitylǧandai “japtym jala, jaqtym küie” dep oilaidy olar. Būdan şyǧatyn qorytyndy mynadai: jalaqorlar men bäleqorlarǧa zaŋ jüzınde tosqauyl qoiyp üirenuımız kerek. Qalai, qaitıp? Ony künı erteŋ bastalatyn sot prosesınen köre alasyzdar. Nege bız özımız küresuımız kerek, memleket nege şara qoldanbaidy dersız. Sebebı jala jabu men qorlau tek jeke adamǧa baǧyttalady. Eger sol adam menıŋ ar-namysyma tidı dep özı qūqyq qorǧau organdary men sotqa aryzdanbasa, onda memleket öz bastamasymen būl proseske aralasa almaidy. Al endı jai qyzyq üşın körem deuşıler popkorndaryŋdy daiyndap qoiyŋdar, būl bır emes, bırneşe seriiaǧa sozylady dep oilaimyn. Surette: 2019-da maǧan qarsy bastalǧan kiberşabuyldan bır körınıs. Qatesıne, montajdalǧan fotoma nazar audarmaŋyz, aiqailap tūrǧan taqyrypty aitsaŋyzşy, taqyrypty! Qyzyǧyp, körgısı kep ketkenderge, pıkır jazatyn jerge videosyn da saldym. Aitqandai bügın-erteŋ elge tanymal bır saiasatker aǧamyz oibailap bastaidy.
