Belgılı änşı, Qazaqstannyŋ eŋbek sıŋırgen Jeŋıs Ysqaqova Almaty äkımınen kömek sūrady, dep habarlaidy «Adyrna» tılşısı.
«Şūǧyla audany Nūrly taŋ köşesınıŋ tūrǧynymyn. Osy köşe tūrǧyndarynyŋ atynan kelıp tūrmyn. Qūrmettı Erbolat Asqarbekūly, sız äkım bolyp kelgelı osy qalaǧa jasap jatqan eŋbegıŋızdı, qala tūrǧyndarynyŋ jaǧdaiyn jaqsartyp jatqanyŋyzdy bılemız, baǧalaimyz, älde de senemız. Sondyqtan kelıp tūrmyz. Jalpy köktem şyqqaly bızdıŋ körşılerdıŋ mazasy kettı. Öitkenı Sensata qūrylys kompaniiasy köp qabatty üiler sala bastady. Būl jerde köp zaŋsyzdyq bar, tehnikalyq qauıpsızdık saqtalmaǧan. Körşı Reseidıŋ qūrylys zaŋdylyǧyna qarasaq, jer üiler men biık üilerdıŋ araqaşyqtyǧy 50-60 metr boluy kerek degendı kördık. Al bızdıŋ zaŋdylyqta ondai joq. Mümkın, sondyqtan bolar, jeke üi men salynyp jatqan 12 qabat üidıŋ arasy tym jaqyn. Öitkenı qūrylys bölşekterı bızdıŋ esıgımızdıŋ aldyna tüsıp jatyr. Ol bır. Jol salynbaǧan. Taŋerteŋnen keşke deiın auyr jük kölıkterı jürgen kezde tūrǧyndar şaŋǧa kömılıp otyr. Jel tūrǧanda topyraqqa kömılıp qalamyz. Qūrylys barysynda 10.00-ǧa deiın jūmys ısteidı, tünımen projektor janyp tūrady. Keide «äi, qoisaŋdarşy» dep aiǧailaimyn. «Qoimaimyz» dep jauap beredı. Jer üilerdıŋ maŋyna 12 qabat etıp üi saluǧa bola ma? Kündı jauyp tastaidy, samal jeldı jauyp tastaidy. Soǧan kömektesseŋ»,- dedı öner iesı qala basşysynyŋ Nauryzbai audany tūrǧyndarymen kezdesuınde.Öz kezegınde Erbolat Dosaev salynǧan üilerge qatysty sūraqtardyŋ köp ekenın jetkızdı.
«Normativ jaǧynan sūraǧyŋyz dūrys. Bıraq osy Almatyda mausymnan bastap qala qūrylysy keŋesın qūrdyq. Sol jaŋa jobalardy qaraidy. Al endı sızdıŋ sūraqtaryŋyz turaly tapsyrma bereiın, GQK degen basqarmamyz bar, özderıŋız jazsaŋyzdar, tapsyrma bereiın. Sensato-ny tauyp, qalai salyp jatqanyn teksersın. Normativter dūrys pa? Keşke jūmys jaǧynan, bärın qalpyna keltırsın. Sızderdıŋ mekenjailaryŋyzdy alsyn»,– dedı äkım. https://youtu.be/_KHH5OSc_3Y
