Türkıstan oblysynda 10 qap qant alyp, jalǧan tübırtek körsetken er adam anyqtaldy, dep habarlaidy «Adyrna» tılşısı Polisia.kz-ke sılteme jasap.
«Ordabasy audandyq polisiia bölımıne jergılıktı tūrǧyn aryzdandy. Äiel adamnyŋ aituynşa, onyŋ azyq-tülık dükenınen tanysy 10 qap qant satyp alyp, jalǧan tübırtek körsetken. Jäbırlenuşıge kelgen şyǧyn kölemı – 186 myŋ teŋge. Atalǧan jaitty polisiia qyzmetkerlerı QR QK-nıŋ 190-baby (Alaiaqtyq) boiynşa tırkeuge aldy. Tärtıp saqşylary habarlama kelıp tüsken boida dereu ıske kırıstı. Olar qylmysty aşu üşın qajettı şaralardy jüzege asyrdy»,— delıngen habarlamada.Poliseilerdıŋ jedel-ızdestıru şaralarynyŋ nätijesınde küdıktı jas jıgıt anyqtaldy. Ol jergılıktı tūrǧyn bolyp şyqty. Anyqtalǧandai, küdıktı jıgıt oŋai oljaly boludy közdegen. Ol aldyn ala qaptardy alyp, kölıgıne salyp, soŋǧy qapty alarda jalǧan tübırtek körsetıp, qantty alyp, oqiǧa ornynan ketıp qalǧan. Al qaptaǧy qantty satyp, aqşasyn jaratyp jıbergen. Qazırgı taŋda küdıktıge qatysty sotqa deiıngı tergeu amaldary jürgızılude. Oblys poliseilerı tūrǧyndarǧa alaiaqtyqtyŋ aldyn alu üşın saq boludy eskertedı. https://youtu.be/6aEIIUOwpSc
