Memleket basşysy Qasym-Jomart Toqaev eldıŋ kemel keleşegın közdegen dästürlı Joldaularynda Ükımetke halyqtyŋ äl-auqatyn jaqsartuǧa baǧyttalǧan ıs-şaralar tızımın jasaqtaudy ärı onyŋ jer-jerlerde jüielı jüzege asyryluyn nazarda ūstaudy tapsyruda. Prezidenttıŋ tapsyrmasyna säikes, halyq atauly kömek qana alyp qoimai, tūraqty jūmyspen qamtyluy tiıs. Öŋırımızge jūmys sapary barysynda QR Eŋbek jäne halyqty äleumettık qorǧau ministrı Tamara Düisenova aimaqta atqarylyp jatqan ılkımdı ısterdı közben kördı. Aldymen öŋır aktivımen kezdesken ministr halyqty jūmyspen qamtu şaralaryna toqtalyp, jergılıktı atqaruşy organ ökılderın jūmyssyzdyq deŋgeiın nazarda ūstauǧa şaqyrdy.
Öŋır basşysy Nūrjan Nūrjıgıtov, oblystyq mäslihat pen jergılıktı atqaruşy organ ökılderı, audan äkımderı qatysty. Jiynda Tamara Düisenova qazır eŋbek naryǧynda bolyp jatqan özgerıster turaly aitty. Aimaqta 15-28 jas aralyǧyndaǧy jastardyŋ sany – 221 myŋ. Būl oblys halqynyŋ 19 paiyzyn qūraidy. Osyǧan orai, ministr jastardy jūmyspen qamtudyŋ maŋyzdylyǧyna airyqşa toqtaldy.
- Jambyl oblysyndaǧy jastardyŋ sany 2030 jylǧa qarai 64 myŋ adamǧa köbeiıp, 286 myŋǧa jetedı. Al 2040 jylǧa qarai būl körsetkış taǧy 100 myŋǧa artady. Ekonomikalyq belsendı jastardyŋ sany 2030 jylǧa qarai 149 myŋǧa deiın köbeiıp, eŋbek naryǧyna küş tüsıretını anyq. Mekteptegı bılımmen qalǧan jastardyŋ ülesı - 18%, al joǧary bılımdı jastardyŋ ülesı - 39%», - dedı Tamara Düisenova.Būdan bölek, ministr biylǧy jyldyŋ 6 aiynda oblysta 27 myŋnan astam adamnyŋ jūmysqa ornalasqanyn atap öttı. Onyŋ basym köpşılıgı – 17 myŋnan astam azamat jūmyspen qamtu ortalyqtary arqyly jūmysqa tūrǧan.
- Jambyl oblysynda jūmyssyz retınde tırkelgen 4816 jūmyssyz adamnyŋ 2526-nıŋ bılıktılıgı bar, al 2290 adamnyŋ bılıktılıgı joq. Öŋırde bos jūmys oryndary jetkılıktı ekenın Elektrondy eŋbek birjasyndaǧy osyndai mysaldardan-aq baiqauǧa. Jūmyssyz azamattarǧa qoldau körsetıp, qajettı jūmys oryndaryna ornalasuǧa barynşa qoldau körsetu barlyǧymyzdyŋ mındetımız», – dedı T.Düisenova.Kezdesude sondai-aq qazaqstandyqtardy zeinetaqymen qamtu, halyqty äleumettık qoldau mügedektıgı bar adamdardy qoldau şaralary da talqyǧa tüstı. Būdan keiın, EHÄQM basşysy aimaq tūrǧyndarynyŋ tūrmystyq tabysyn jaqsartu pilottyq jobasynyŋ jüzege asu barysymen tanysty. Jalpy, atalǧan joba biylǧy jyly taǧy 10 auyldyq okrugte ıske aspaq. Būl baǧytqa «Agrarlyq nesie korporasiiasy» aksionerlık qoǧamy arqyly nesielendıruge bölıngen 6 mlrd. 47,5 mln. teŋge qarjy qarastyryluda. Qazırgı taŋda jobanyŋ bes baǧyty boiynşa auyldyq okrugterdıŋ esepterı naqtylanuda. Tamara Qasymqyzy auyldyq jerlerdegı janūialardyŋ tabys közıne ainalǧan jobanyŋ jüielı ıske asuyna erekşe köŋıl bölu qajettıgın jetkızdı. Bügınde bıregei jobanyŋ jemısın Baizaq audanyndaǧy Qostöbe jäne Ülgılı auyldyq okrugındegı tūrǧyndary da körude. Qazırgı taŋda olar öz jeke käsıpterın aşyp, igılıgın körıp otyr. Tūrmysy tüzelgen tūrǧyndar ministrmen öz josparlarymen bölıstı. Qostöbe auyldyq okrugıne qarasty Talas auylynyŋ tūrǧyny Äbujaqyp Qaldarov jobanyŋ tiımdı tūstaryn atap öttı. Zeinetker 2 million 400 myŋ teŋge kölemınde qarjylyq qoldauǧa ie bolyp, mal şaruaşylyǧyn damytudy qolǧa alǧan. Qazırgı taŋda mal basy 15 jylqyǧa jetkızgen auyl tūrǧyny būl käsıp otbasynyŋ tabys közıne ainalǧanyn aitty.
- Pilottyq joba aiasynda otbasylyq jeke käsıbımızdı aştyq. Alǧaşynda 5 jylqy satyp aldyq .Bügınde öz josparlarymyzdy senımdı türde jüzege asyrudamyz. Auyl ekonomikasynyŋ damuyna üles qosyp, baǧdarlamanyŋ qarqyndy jüzege asuyna ülesımızdı qosatyn bolamyz. Sebebı, onyŋ paidasy mol ekenıne közımız jettı, - deidı şarua.Auyldyq okrugtegı saparynda ministr jobanyŋ igılıgın körgen bırneşe tūrǧyndarmen kezdestı. Olardyŋ qatarynda ırı qara mal ösırumen qatar, ülesınde 10 sottyq jerı bar Qostöbe auylyndaǧy «Rüstem», asyl tūqymdy tauyqtardy ösırudı käsıpke ainaldyrǧan Ülgılı auylyndaǧy «Ǧalymjan» jeke şaruaqojalyqtary bar. Äsırese, temırden tüiın tüigen Ämırbek Tölepovtyŋ jūmysy jūrtty süisınttı. Joba aiasynda 2 million 800 myŋ teŋge kölemınde nesiege qol jetkızgen ol bügınde 6 adamdy jūmyspen qamtyp otyr. Mektep qabyrǧasynda-aq türlı tehnikanyŋ tılın meŋgergen Ämırbek būl künde asyrauşy salaǧa qajettı tehnika jasaudyŋ maitalman mamany atanǧan.
- Būl ıske bala künımnen qūmar boldym. Sondyqtan, ärbır tehnikaǧa barynşa janymdy, küş-qairatymdy, ideiamdy qosamyn. Meilınşe, şaruaşylyqqa asa qajettı erekşe tuyndy jasauǧa tyrysamyn. Aldaǧy uaqytta käsıbımdı ūlǧaitudy josparlap otyrmyn, - dedı Ä.Tölepov.Şarualardyŋ tynys-tırşılıgımen tanysqan soŋ ministr hanym joba aiasynda nesie räsımdep, jūmysyn döŋgeletıp otyrǧan käsıpkerlerdıŋ qūlaşyn keŋge sermeuıne jergılıktı bilık tarapynan barynşa qoldau körsetıluı qajettıgın atap öttı. Jūmys sapary soŋynda QR Eŋbek jäne halyqty äleumettık qorǧau ministrı Tamara Düisenova oblys ortalyǧyndaǧy 150 oryndyq oŋaltu ortalyǧynyŋ qūrylysymen tanysty. Aita keteiık, ǧimarat bırneşe bloktan tūrady. Mäselen, bırınşı blokta bassein, kiım auystyratyn bölme, sport jäne körermender zaly bolsa, ekınşı blokta – medisinalyq kabinetter ornalasqan. Al üşınşı blokta - ashana, qalǧan bloktarda-ekı oryndyq jäne bır oryndyq palatalar bar. Qūrylysqa jauapty "Tarazstroi-2004" merdıger kompaniiasy jūmystardy kelesı jyly aiaqtaudy josparlap otyr.
