Jambyl oblysynyń ákimi Nurjan Nurjigitov Shý aýdanynda ótken “Eginjaı kúni - 2022” semınaryna qatysty. Tájirıbe almasý maqsatynda «Qyzylsha» JShS-niń egistik alqabynda uıymdastyrylǵan sharaǵa barlyq aýdannyń ákimderi men olardyń aýyl sharýashylyǵy salasyna jetekshilik etetin orynbasarlary, elimizge belgili ǵalymdar, arnaıy mamandar shaqyrylǵan.
Qonaqtar aldymen avankameramen jáne «Kelet» kompanııasynyń nasos qondyrǵylarymen, tehnıka, tyńaıtqysh, pestııd pen tuqym kórmesimen, «Qyzylsha» JShS-niń qant qyzylshasy, kartop, dándik júgeri, maqsary jáne «Shyǵyn» ShQ-nyń pııaz alqabymen tanysty. Sondaı-aq, «Volmant» kompanııasynyń sý únemdeýge negizdelgen «Valley» qondyrǵylaryn kórdi.
Semınar barysynda elimizdiń ár óńirinen kelgen on bes kompanııa 30-ǵa jýyq aýyl sharýashylyǵy tehnıkasyn jáne jabdyq túrlerin kópshilik nazaryna usyndy.
Jıynnyń ashylýynda aımaq basshysy oblys ekonomıkasyndaǵy oń dınamıkanyń qalyptasýyna aýyl sharýashylyǵy salasynyń úlesi úlken ekendigin, bıyl aýa-raıynyń qolaılylyǵyna baılanysty astyqtyń bitik shyqqanyń jetkizdi.
- Aǵymdaǵy jyly oblys aýmaǵynda aýyl sharýashylyǵy daqyldarynyń egistik kólemi 756 myń gektardy qurady. Bul ótken jylmen salystyrǵanda 5,4 myńǵa artyp otyr.
Óńir dıhandary dándi daqyldardy jınaýdy aıaqtap, ár gektarynan 19 entnerden ónim alyndy.
Kartop, baqsha, kókónis jáne maıly daqyldardy jınaý jumystary júrgizilýde.
Degenmen, bul salada qordalanǵan máseleler de az emes.
Jalpy 2022 jylǵa memlekettik qoldaý sharalaryna 31,2 mlrd. teńge bólinip, ótken jylmen salystyrǵanda 12 mlrd. teńgege artty. Búgingi kúnge 11 mlrd. teńge qarjy ıgerilip, 6,6 myń sharýashylyqqa sýbsıdııa tólendi. Ár sharýa memlekettik qoldaýdy sezinýi tıis.
Búgingi sharada qant qyzylshasyn ósirýdiń ozyq tehnologııasymen tanystyq.
Oblys boıynsha 120 myń tonnadan astam tátti túbir jınalady dep kútilýde.
Eginnen mol ónim alý úshin basty mindet – tuqym men tehnıkany jańartý, egistik alqabyn tyńaıtý.
Búgingi kúnge 34,2 myń tonna tyńaıtqysh alýǵa kelisim-shart jasalyp, onyń 32,1 myń tonnasy sharýalarǵa jóneltildi,-deı kele Nurjan Nurjigitov óńirdegi aýyl sharýashylyǵy tehnıkalaryn jańartý, sý únemdeý tehnologııalaryn engizý sharalaryna da toqtalyp ótti.
Qazirgi tańda oblys boıynsha 12 316 dana aýyl sharýashylyǵy tehnıkasy tirkelgen desek, aǵymdaǵy jyly tehnıkalardyń jańarýyn oblys boıynsha 11 paıyzǵa jetkizý kózdelýde. Sol sekildi óńirde sý únemdeý tehnologııalary osy jyly 50 myń gektar alqapqa ornalastyrylǵan.
Aımaq basshysy óz sózinde ırrıgaııalyq júıelerdi qalpyna keltirý, jaıylym jerlerdi tıimdi paıdalaný boıynsha qolǵa alynǵan jobalardy da basa aıtty.
Óz kezeginde birqatar agrarlyq máselelerge qatysty ǵylymı ınstıtýttardyń ókilderi oń nátıjeli tájirıbelik úlgilerimen bólisti.
«Qazaq ulttyq agrarlyq zertteý ýnıversıtetiniń» aýyl sharýashylyǵy ǵylymdarynyń doktory, professor Marat Qojahmetov, «Qazaq eginshilik jáne ósimdik sharýashylyǵy ǵylymı-zertteý ınstıtýtynyń» bilimdi taratý jáne ázirlemelerdi óndiriske engizý ortalyǵynyń basshysy Seıitkárim Qaltaev, «Qazaq jemis-kókónis sharýashylyǵy ǵylymı-zertteý ınstıtýtynyń» basqarma dırektory Temirjan Aıtbaev, «Qazaq qaıta óńdeý jáne taǵam ónerkásipteri ǵylymı zertteý ınstıtýtynyń» bas ǵylymı qyzmetkeri Asan Bekeshuly Ospanov jáne taǵy basqalar ózderiniń oramdy oılaryn ortaǵa saldy. Olar tuqym sharýashylyǵyn damytý, qyzylsha men júgeri suryptaryn jiti bilý, jańa tehnologııalardyń múmkindigin tıimdi paıdalaný, qoı sharýashylyǵyn damytýdyń utymdy tustary, sý únemdeý qondyrǵylaryn keńinen engizý týraly jan-jaqty baıandama jasap, atalǵan baǵyttarda birlesip jumys isteýge, tájirıbe almasýǵa daıyn ekendikterin jetkizdi.
Oblys ákimi jaýapty tulǵalardy ǵylymı ınstıtýttardyń áleýetine barynsha júginip, ár aýdanda tuqym sharýashylyǵyn jetildirý boıynsha júıeli ári nátıjeli jumys júrgizýge shaqyrdy.
Shý aýdanyndaǵy jumys sapary kezinde oblys ákimi Nurjan Nurjigitov birqatar nysandardy jáne qurylys alańdaryn aralady.
Atap aıtqanda aımaq basshysy “Balasaǵun” kóne qalashyǵynyń jaı-kúıimen, «Tasótkel sý qoımasyn» seısmıkalyq kúsheıtý jumystarymen, 75 páterli kóp qabatty turǵyn úıdiń jaǵdaıymen, Ál-Farabı mektebiniń qurylysymen, «M-KAT Grın» JShS kún elektr stanııasynyń qyzmetimen jáne taǵy basqa nysandarmen tanysty.
Nurjan Nurjigitov merdigerlerge qurylystardy ýaqytyly ári sapaly oryndaý úshin naqty mindetter júktep, jaýaptylarǵa baqylaý sharalaryn kúsheıtýdi tapsyrdy.
