Oralda esırtkı taratqan 19 jastaǧy jıgıt pen 15 jastaǧy oquşy sottaldy. Būl turaly Polisia.kz habarlady, dep jazady "Adyrna" ūlttyq portaly.
Osy jyldyŋ 2 nauryzynda Oral stansiiasynyŋ maŋyn tekseru kezınde 15 jastaǧy jasöspırım men onyŋ 19 jastaǧy tanysy ūstaldy. Olardyŋ oralǧan ūntaqty zatty aǧaş būtaqtaryna jasyrǧandyǧy anyqtaldy. Saraptama qorytyndysyna säikes, ūstalǧandardan alynǧan zat psihotroptyq zat bolyp şyqty jäne onyŋ jalpy salmaǧy 11 gramdy qūrady.
Ūstalǧandar ”öz qyzmetın” Telegram arnalardyŋ bırı arqyly jürgızgen. Atalǧan faktı boiynşa Oral stansiiasyndaǧy jelılık polisiia bölımı QR Qylmystyq Kodeksınıŋ 297-baby (Esırtkı, psihotroptyq zattardy, sol tektesterdı ötkızu maqsatynda zaŋsyz daiyndau, qaita öŋdeu, iemdenu, saqtau, tasymaldau, jöneltu ne ötkızu) boiynşa tergeu jürgızdı.Batys Qazaqstan oblysynyŋ qylmystyq ıster jönındegı mamandandyrylǧan audanaralyq soty 19 jastaǧy sottaluşyǧa 10 jyl merzımge bas bostandyǧynan aiyru jazasy taǧaiyndaldy, al onyŋ 15 jastaǧy sybailasy 7 jyl 6 aiǧa bas bostandyǧynan aiyryldy.
"Adyrna" ūlttyq portaly
