Aitysker aqyn Rinat Zaitov Bekbolat Tıleuhanǧa "sızdıkı - "dūrys", menıkı- "aǧattyq" dep, äŋgımenı osy jerden doǧaratynyn habarlady. Būl turaly "Adyrna" ūlttyq portaly jazady.
"Assalaumaǧalaikum asa qūrmettı Bekbolat aǧa. Maǧan joldaǧan videosälemıŋızdı kördım. Taŋyrqadym dep ötırık aita almaimyn. Osylai qabyldaitynyŋyzdy sezdım. Bıraq tüsındırmesın kezdeskende beremın au dep oilaǧanmyn. Oǧan myna äleumettık jelıdegı äŋgıme özımız toqtatpai, tyiylmaityn siiaqty. Sondyqtan bır sözımdı jetkızuge tyrysaiyn. Aǧa, özıŋızge byltyr ǧana habarlasqandaǧy aitqan sözım sol söz. Men sızdı eşteŋege qaramastan, aǧa dep qūrmetteimın, qaitalanbas talant - dep jaqsy köremın! Al keibır jaǧdailarda tanytqan osaldyǧyŋyzdy tura synasam, ol - ınılık nazym, aqyndyq asaulyǧym. Ol ökpemnıŋ orny bar dep oilaimyn. Sebebı: qazırgı uaqytta bızdıŋ elde resmi mälımetter Qaŋtardaǧy qyrǧynǧa sızdıŋ dos tūtyp jürgen azamattardy küdıktı tanyp, tergeu jürgızude. Demek, eger ol mälımetter ras bolsa, sızdıŋ dostaryŋyzdyŋ josparlarynan habarsyz bolǧanyŋyzǧa senbeimın. Al ötırık bolsa, onda qazırgı bilık bızdı aldap, aqymaq körıp, jazyqsyz adamdardyŋ moinyna jüzdegen adamnyŋ qanyn artqaly tūr degen söz. Sızdıkı qaisysy? Ne bolsa da, ekı jaǧdaida da eşteŋe körmegensıp, ündemei qalu sızge syn aǧa. Jaqsy. Jauap oilap altyn uaqytyŋyzdy ketırmeŋız. Sızge bırdeŋe däleldep, yryldasyp talasu oiymda joq. Öitkenı Qazaq onsyz da jan-jaqqa toptalyp alyp, qyryq pyşaq bolyp jatyr. Endı qalmaǧany Bekbolat Tıleuhan men Rinattyŋ jaqtastarynyŋ şaiqasuy ma? Qūrysyn. Aiyp etpeŋız. Ondai elge eş paidasy joq, "önbes ösekter" jarysyna jüikem men uaqytymdy ketırmeimın. Bekbolat aǧa sızdıkı - "dūrys", menıkı- "aǧattyq". Sız - jaqsy, men - jaman. Osy jerden qoidym. Sız de söitetın şyǧarsyz?...", - dep jazdy aitysker aqyn özınıŋ instagram paraqşasynda.
"Adyrna" ūlttyq portaly
