Halyq zar eŋırep otyr, ony estitın Ükımet kereŋ

Densaulyq salasynyŋ bylyǧy aldaǧy bır jiyrma jylda dūrys şeşımın tappasyna jūrttyŋ pıkırlerınen köz jetkızdım. Neşe türlı sūmdyq bolyp jatyr eken ǧoi. Bızdıŋ qyzymyzdyŋ bır büiregın kışkentai kezınde alyp tastaǧan. Negızı bır büirekpen mügedektık taǧaiyndaluy kerek. Jäne jarty jyl saiyn tekserılıp, em alyp tūruy kerek. Bıraq "qūrsyn qoişy" dei beretın qazaqpyz, "qūrsyn, qūdai jar bolsyn" dep mügedek degen aty aulaq dep, sony räsımdeudı jaiyna qoia saldyq. Oǧan qosa älgı ärı-berı jügırısten şarşadyq. Qūddy alyp tastaǧan büirek kelesı jyly qaita ösıp ketetın siiaqty jyl saiyn büiregıŋ joq ekenın däleldeuıŋ kerek. Tūqymy qūrsyn, ony däleldep bıtemın degenşe, älemdegı eŋ sorly adam bolyp ketesıŋ. Oǧan qosa, sol bır "ükımettıŋ beretın bes tiynyna bola qaiyrşylanyp" jügırıp jürgenıŋ üşın aiap qaraityn közder bar. Taza kemsıtıp tūrady ǧoi. Bala baqylauda bolsyn dep jügırıp jür-au degen oi miyna da kırıp şyqpady ǧoi eşkımnıŋ. Bızdıkı şükır, al auru ekenı syrt közge körınıp tūratyn ata-analardy, balalardy kemsıtu turaly aitpai-aq qoisa da bolady. Äleumettık jelıden kömek sūraǧan balalarǧa az da bolsa aqşa salyp tūratyn edım, qazır onyŋ özın kümändanyp audaratyn boldyq. Sebebı qymbatşylyq kädımgıdei qaltany tyqyrlatyp bara jatyr. Al jüieleneiın degen densaulyq salasy joq. Erteŋ atamyzǧa koronografiia jasatu üşın portalǧa qoiuǧa qūjat jinaudy bastaimyz. Qandai joldardan öterımızdı elestetıp otyrǧan bolarsyzdar. Halyqtyŋ densaulyǧy naşar, öte naşar. Keibıreuler "qatty auyrǧanda jedel järdem alady ǧoi" dep qoiady. Qatty auyruǧa jetkızbei emdeluge bolmai ma? Halyq zar eŋırep otyr, estitın ükımet kereŋ.