Jambyl oblysynyŋ äkımı Nūrjan Nūrjıgıtov oblys prokuraturasy janyndaǧy biznestı qorǧau jönındegı saraptamalyq keŋestıŋ otyrysyna qatysty.
Jiyn barysynda Nūrjan Moldiiarūly şaǧyn jäne orta biznes üşın qarsy mındettemelerdı engızu, olardyŋ jauapkerşılıgın küşeitu mäselelerıne jeke toqtaldy.
- Biznes qauymdastyq qoǧamdaǧy tūraqtylyq pen tynyştyqty saqtauda maŋyzdy röl atqarady. Mäselen, azyq-tülık baǧasyn retteu mäselesın alaiyq. Äleumettık maŋyzy bar azyq-tülık tauarlaryn satu kezınde sauda üstemesın 15 paiyzǧa deiın şekteu jönındegı normalar bekıtıldı. Bıraq, barlyq biznes subektılerı būl talapty saqtamaidy. Äsırese, köp qabatty üilerdıŋ aulalaryndaǧy dükenderdıŋ iesı oiyna kelgen baǧany qoiady. Mūndai bolmauy tiıs. Būl mäselede otandyq biznestıŋ ortaq ūstanymy maŋyzdy. Al adal käsıpkerler ärqaşan memlekettıŋ qoldauyna ie bolady, - dedı N.Nūrjıgıtov.
Aǧymdaǧy jyldyŋ 1 mamyryndaǧy derekterge säikes, oblysta jūmys ıstep tūrǧan şaǧyn jäne orta käsıpkerlık subektılerınıŋ sany - 76 208. Būl ötken jyldyŋ tiıstı kezeŋımen salystyrǧanda 8,5 paiyzǧa artyq. Al 124 myŋǧa juyq adam şaǧyn jäne orta käsıpkerlık subektılerınde jūmys ısteidı. Atap öterlıgı, biylǧy jyly "Käsıpkerlıktı damytudyŋ 2021 – 2025 jyldarǧa arnalǧan ūlttyq jobasy" aiasynda 13,5 mlrd teŋge qarastyrylǧan.
Jalpy, üstımızdegı jyldyŋ bırınşı jarty jyldyǧynda öŋırlık käsıpkerler palatasyna 140 ötınış kelıp tüsken. Onyŋ ışınde qorǧau jelısı boiynşa - 37 ötınış bolsa, bügıngı taŋda onyŋ 11-ı oŋ şeşımın tapqan. Sondai-aq 15 ötınış beruşıge jazbaşa tüsınıkteme berılse, 10 mäsele qaralu üstınde.
Otyrys barysynda oblys prokurory Nūrǧalym Äbdırov käsıpkerlık subektılerınıŋ qūqyqtaryn qorǧau prokuratura organdary qadaǧalau qyzmetınıŋ negızgı basym baǧyttarynyŋ bırı ekendıgın atap öttı.
- El Prezidentı Qasym-Jomart Toqaev jyl basynda otandyq biznes ökılderımen ötken kezdesuınde prokuratura organdarynyŋ aldyna bırqatar mındetter qoidy. Sonyŋ ışınde osy saladaǧy būzuşylyqtarǧa yqpal etetın sebepter men jaǧdailardy anyqtau jäne kınälı tūlǧalardyŋ ıs-äreketterıne qaǧidatty baǧa beru. Sonymen qatar, olardyŋ qyzmetıne zaŋsyz aralasu faktılerı boiynşa şūǧyl şaralar qabyldau, - dedı N.Äbdırov.
Aita keteiık, jyl basynan berı oblystyq prokuratura tarapynan käsıpkerlık salasyna bailanysty 30 ūsynys, 23 narazylyq engızılgen. Būdan bölek, QR QK-nıŋ 365 babyna sai (zaŋdy käsıpkerlık qyzmetpen ainalysuǧa kedergı keltıru) 1 qylmystyq ıs boiynşa ükım şyǧarylǧan. Sondai-aq, jeke käsıpkerlık subektılerıne tekseru jürgızu tärtıbın būzǧan 3 lauazymdy tūlǧa QR ÄQBtK 17 babyna säikes äkımşılık jauapkerşılıkke tartylǧan. Eseptı kezeŋde 30 tūlǧa tärtıptık, 1 tūlǧa äkımşılık jauapkerşılıkke tartylsa, 1 adam 7 jylǧa bas bostandyǧynan aiyrylǧan. Jalpy, şaǧyn jäne orta biznes subektılerıne qatysty 251 zaŋsyz tekseru tırkelıp, prokuratura organdary 8000-ǧa juyq käsıpkerdıŋ qūqyǧyn qorǧaǧan.
Basqosuda sondai-aq agroönerkäsıptık keşen salasyndaǧy memlekettık satyp alular, subsidiialardy bölu, jarnama ornalastyru jäne salyq zaŋnamasy, balalar sporty men şyǧarmaşylyǧyn damytu üşın memlekettık tapsyrysty jan basyna şaqqandaǧy normativtık qarjylandyrudy engızu kezındegı būzuşylyqtarda nazarǧa alyndy. Aşyq dialog formatynda ötken otyrys barysynda käsıpkerler özderın tolǧandyrǧan sūraqtaryna tūşymdy jauap alyp, tuyndaǧan mäselerdı şeşu boiynşa ūsynymdar äzırlendı. Endı barlyq audandarda subsidiialardy bölu tetıkterın retteu üşın mobildı toptar jūmys ısteitın bolady.
Jiyn soŋynda Nūrjan Moldiiarūly memlekettık jäne qūqyq qorǧau organdarynyŋ ortaq küş-jıgerınıŋ arqasynda biznestı qūqyqtyq qorǧau jüiesı qūrylǧanyna toqtalyp, zaŋsyz äreketterdıŋ barlyq faktılerı anyqtalǧan jaǧdaida kınälı tūlǧalar zaŋ aldynda jauapqa tartylatynyn qadap aitty.
