Bügınde jabyq mekemelerde jazasyn öteuşı azamattardy jūmyspen qamtu jüielı jolǧa qoiylǧan. Būl baǧytta QAJ mekemelerı türlı käsıporyndarmen kelısımge kelıp, jergılıktı atqaruşy bilıkpen tyǧyz qarym-qatynasta jūmys ısteude. Dese de, sot ükımımen kınälı dep tanylǧandardy jūmyspen qamtuda «barmaq basty, köz qysty» äreketter bolmauy tiıs. Bır sözben aitqanda, mūnda jeŋ ūşynan jalǧasqan jemqorlyqqa jol berılmeuı qajet-aq.
Öŋırlık QAJ departamentınde ötken basqosu barysynda osynau özektı mäsele keŋınen talqyǧa tüstı. Jiynǧa QR Sybailas jemqorlyqqa qarsy ıs-qimyl agenttıgınıŋ Jambyl oblysy boiynşa departamentınıŋ prevensiia basqarmasynyŋ bas mamany Aibek Ajibaev, oblystyq Polisiia departamentı özındık qauıpsızdık basqarmasynyŋ aǧa jedel uäkılı Aidyn Qorabaev sondai-aq QAJ departamentınıŋ basşy qūramy men JD-158/1,2,4,5,7 mekeme bastyqtarynyŋ orynbasarlary, atalǧan mekemelerdegı sottalǧandardyŋ eŋbegın ūiymdastyru qyzmetınıŋ bölım basşylary men aǧa qyzmetkerlerı, «Eŋbek-Taraz» RMK filialynyŋ direktory jäne öndırıs oryndarynyŋ şeberlerı, şaǧyn jäne orta biznes ökılderı qatysty.
Basqosuda aldymen öŋırlık QAJ departamentı sottalǧandardyŋ eŋbegın ūiymdastyru tobynyŋ bas mamany ädılet podpolkovnigı Aimen Taitelieva baiandama jasady. Aimen Aqylbekqyzy öz sözınde QAJ qyzmetkerlerınıŋ yqpalymen būl künde sottalǧan azamattar aqyly jūmyspen qamtylǧanyn ärı olardyŋ memleket jäne jäbırlenuşıler aldyndaǧy qaryzdary kezeŋ-kezeŋımen ötelıp jatqandyǧyn jetkızdı. Jiynda sondai-aq jeke käsıpkerler, JŞS ökılderı öz taraptarynan käsıpterın odan ärı ūlǧaituǧa qandai kömekter aluǧa bolatyndyǧy jönınde kökeidegı sūraqtaryn qoiyp, tūşymdy jauap aldy. Qysqasy, būl künı jinalǧandar para bermei-aq paidaly ıs ısteuge bolady degen tūjyrymda tarqasty. Sol sebeptı, būl baǧytta bırlese jūmys ısteimız dep uaǧdalasty.
