Mas küiınde kölık jürgızgen Jaŋatas tūrǧyny 5 jylǧa deiın bas bostandyǧynan aiyryluy mümkın. Jol qauıpsızdıgın qamtamasyz etu ailyǧyn ötkızu kezınde Jambyl oblysy Polisiia departamentınıŋ qyzmetkerlerı respublikalyq jäne audandyq maŋyzy bar joldardy küşeitılgen rejimde patruldeude. Sarysu audanynda ailyq barysynda Niva kölıgın mas küiınde basqarǧan Jaŋatas qalasynyŋ 57 jastaǧy tūrǧyny ūstaldy.
Ol polisiia qyzmetkerlerınıŋ zaŋdy talabyna baǧynbai, jol qozǧalysy erejesın öreskel būza otyryp, qaşyp ketuge tyrysqan.
– Sondai-aq, būryn küdıktınıŋ sot şeşımımen jürgızuşı kuälıgınen aiyrylǧany anyqtaldy. Atalǧan derek boiynşa QR QK-nıŋ 346-baby 1-bölıgı boiynşa sotqa deiıngı tergeu amaldary bastaldy, oǧan säikes bes jylǧa deiın bas bostandyǧynan aiyru jazasy közdelgen, – dedı Sarysu APB bastyǧy Ashat Almetov.
“Qauıpsız jol” ailyǧy 19 şılde men 18 tamyz aralyǧynda ötkızıledı. Ailyq bastalǧannan berı Sarysu APB qyzmetkerlerı 943 äkımşılık qūqyq būzuşylyqty anyqtady, mas küiınde kölık qūralyn basqarǧan 4 jürgızuşı ūstaldy. 28 avtokölık aiyp tūraǧyna qoiyldy.
