Almatylyq poliseiler jaŋa tuǧan närestenı qūtqaryp qaldy, dep habarlaidy «Adyrna» tılşısı Polisia.kz-ke sılteme jasap.
Keşe tünde qalanyŋ Türksıb audanynda jaŋa tuǧan närestenı qūtqaruǧa arnalǧan arnaiy ıs-şara öttı.
– Bızge tüngı saǧat ekıde kämeletke tolmaǧan qyzdyŋ tüsık tastaǧandyǧy turaly qoŋyrau kelıp tüstı. Ol qaladaǧy auruhanalardyŋ bırıne jatqyzyldy. Därıgerlermen söileskennen keiın men oqiǧa ornyna baryp, tekserudı jön kördım. Basyma “bala qaida?” degen sūraq keldı. Qyzdyŋ anasynan oqiǧa bolǧanǧa deiın onyŋ syrttaǧy därethanada bıraz uaqyt bolǧanyn bıldım. Därethana ışınen qan ızderın tauyp, ışınde jatqan balany kördım. Ol dem alyp jatty. Osy kezde tergeu-jedel toby keldı, onyŋ qūramynda kriminaldyq polisiia bölımınıŋ jedel uäkılı Ǧaziz Hamasqaliev boldy. Bız därethananyŋ edenınen taqtalardy tez alyp tastadyq. Ärıptesım Ǧaziz tömen tüsıp, balany qyzmettık köilegıne orap, abailap şyǧaryp aldy. Sol kezde näreste jylady. Bärımız mazasyz küide edık, uaiymdadyq. Balany tez arada därıgerlerge tapsyrdyq, – dedı Türksıb audandyq PB-nyŋ kämeletke tolmaǧandar ısı jönındegı uchaskelık inspektory Nūrjan Şatunov.17 jastaǧy jasöspırımnıŋ anasynyŋ aituynşa, ol qyzynyŋ jüktı bolǧanyn bılmegen. Qazırgı uaqytta būl derek boiynşa Türksıb audandyq PB-na qarasty polisiia bölımınde tergeu amaldaryn bastaldy. Oqiǧanyŋ män-jaiy anyqtaluda.
– Qazır balanyŋ jaǧdaiyn bılıp qaittyq. Ol därıgerlerdıŋ baqylauynda jansaqtau bölımınde jatyr. Öz betınşe dem alyp jatyr – būl jaŋalyqqa balany qūtqaruǧa qatysqan barlyq ärıptesterım qatty quandy. Demek bala ömır süredı. Ol tuylǧannan berı öz ömırı üşın kürestı. Oǧan zor densaulyq, ūzaq ǧūmyr tıleimız. Baqytty bolyp öse bersın. Men üş ūldyŋ äkesımın. Sondyqtan būl oqiǧa menı bei-jai qaldyrmady. Bız öz ärıptesterımızben bırge qūtqarylǧan närestenıŋ taǧdyryn mındettı türde qadaǧalaimyz jäne mümkındıgınşe oǧan qatysatyn bolamyz, – dedı Şatunov. https://youtu.be/k75R2e0WKao
