Jas ūrpaqqa sapaly bılımmen bırge patriottyq tärbie beru qai kezde de özektı. «Qazaqstandyq patriotizmdı qalyptastyru men damytu: mındetterı men bolaşaǧy» taqyrybymen ūiymdastyrylǧan oblystyq jastar forumynda aimaq basşysy Nūrjan Nūrjıgıtov osylai dedı.
«Jastar saraiynda» ūiymdastyrylǧan auqymdy şaraǧa jergılıktı atqaruşy, qūzyrly jäne qūqyq qorǧau organ basşylary, ziialy qauym, ardagerler, äskeriler jäne jastar, erıktıler, pedagogtar qatysty.
Forum bastalmas būryn qonaqtar «Oŋtüstık» öŋırlık qolbasşylyǧy äzırlegen qaru-jaraqtar jäne äskeri kiım-būiymdardyŋ körmesımen tanysty. Sarbazdardyŋ qarudy şaşy-jinau boiynşa daiyndyq barysy da körsetıldı. Ekran arqyly «Jas sarbaz» jastar men jasöspırımder qozǧalysynyŋ atqarǧan jūmystary turaly baiandaldy.
Būdan soŋ zalǧa jinalǧandar nazaryna QR Qaruly Küşterınıŋ 30 jyldyǧyna orai arnaiy äzırlengen videorolik ūsynyldy.
Aimaq basşysy öz sözınde elımızdıŋ erteŋı nūrly, bolaşaǧy jarqyn boluy üşın bügıngı buyn – jas ūrpaqtyŋ bılımdı, tärbielı ärı jaŋaşyl tūlǧa retınde qalyptasuy maŋyzdy ekenın atap öttı.
- Memleket tarapynan patriotizmdı damytu baǧytynda kelelı şaralar atqarylyp, auqymdy baǧdarlamalar jüzege asuda.
Jalpy qazırgı taŋda öŋırımızdegı jastar sany 258 myŋ adamdy qūraidy.
Äskeri-patriottyq tärbie baǧytyndaǧy jūmystar kün tärtıbınen tüspeuı tiıs. Būl tūrǧyda barlyq jauapty oryndardyŋ bırlesken, küşeitılgen jūmysqa negızdelgen jüielı josparynyŋ boluy maŋyzdy.
Bız jas ūrpaqtyŋ boiyna otanşyl patriotizmdı, memleketşıldık sanany qalyptastyruǧa jappai atsalysuymyz kerek.
Äl-Farabi babamyz «Tärbiesız berılgen bılım – adamzattyŋ qas jauy» deidı. Ūltym, elım degen, bılımdı, közı aşyq, kökıregı oiau adamdy qalyptastyrudyŋ jalǧyz joly – sapaly bılım men sanaly tärbie. Osy oraida, jastar arasyndaǧy qūqyq būzuşylyqtardy azaitu, olardyŋ saldarymen emes, sebebımen küresu – basty talap,-dedı Nūrjan Nūrjıgıtov.
Oblys äkımı bala tärbiesınde eŋ aldymen ata-ananyŋ, otbasynyŋ rölı joǧary ekenın basa aityp, osy baǧyttaǧy jūmystardy küşeitu qajettıgıne nazar audartty.
Sondai-aq, memleket tarapynan balalardyŋ, jastardyŋ bos uaqytyn tiımdı ötkızu, öz-özderın jan-jaqty damytuǧa barlyq jaǧdai jasalyp jatqanyn jetkızıp, olar «Elım maǧan ne berdı dep emes, men elıme ne beremın» degen ūstanymmen, alǧa ūmtyluy, öz elınıŋ patrioty boluy tiıstıgın atap öttı.
Oblys prokurory Nūrǧalym Äbdırov jambyldyq jastardyŋ türlı saladaǧy jetıstıkterın tılge tiek etıp, qūqyqtyq mädeniet pen sauattylyqty arttyryp, būzuşylyqtardyŋ aldyn-alu baǧytynda qolǧa alynyp jatqan şaralarǧa toqtaldy.
Qazırgı taŋda oblys prokuraturasynyŋ ūsynysymen 2022 - 2025 jyldarǧa arnalǧan jastar men kämeletke tolmaǧandardy otansüigıştık ruhta tärbieleu, qūqyqtyq mädenietın köteru, ruhani-ızgılık jäne patriottyq qūndylyqtarǧa baulu, jūmyssyzdyq deŋgeiın tömendetu, otbasy-tūrmystyq saladaǧy qūqyqbūzuşylyqtyŋ aldyn aluǧa baǧyttalǧan bırlesken keşendı jospar äzırlenude.
Sondai-aq, basqosu barysynda «Oŋtüstık» öŋırlık qolbasşylyǧy äskerlerınıŋ qolbasşysy Mereke Kuchekbaev, Jambyl oblysy Qorǧanys ısterı jönındegı departamentınıŋ bastyǧy Ǧalymjan Tasjanov, «Taraz qalalyq Auǧan soǧysy ardagerlerı men mügedekter odaǧy» qoǧamdyq bırlestıgınıŋ töraǧasy Dükenbai Ermekov, «Oŋtüstık» öŋırlık äskerdıŋ jas sarbazy Abai Äbışev te öz oilaryn ortaǧa salyp, maŋyzdy ūsynystaryn bıldırdı. Olar qazaqstandyq patriotizmdı damyta otyryp, jastardy eljandy, sanaly, bılımdı azamat bolyp qalyptasuǧa şaqyrdy.
Jiynda jastar arasyndaǧy qylmys jäne jūmyssyzdyq deŋgeiın tömendetu, «Qaŋtar oqiǧasynyŋ» qatysuşylarynyŋ basym bölıgı jastardan qūraluy, äskerge baru sekıldı mäseleler saralandy.
Nūrjan Nūrjıgıtov aitylǧan barlyq ūsynystar eskerıletının jetkızdı.
Jinalǧandarǧa Gvardeisk garnizony sarbazdarynyŋ äskerdegı qyzmet barysy turaly beinerolik körsetıldı.
Forum jūmysy türlı seksiialar bölınısınde jalǧasty.
