Jambyl oblysynyŋ äkımı Nūrjan Nūrjıgıtov jurnalisterdı käsıbi merekelerımen qūttyqtady. Saltanatty şaraǧa jurnalistika ardagerlerı, jergılıktı BAQ basşylary, respublikalyq, oblystyq, audandyq gazetter men telearnalardyŋ qyzmetkerlerı şaqyryldy.
Aimaq basşysy memlekettıŋ aqparattyq saiasatyn jüzege asyruda būqaralyq aqparat qūraldarynyŋ rölı zor ekenın atap ötıp, jurnalister halyq pen bilık arasyndaǧy däneker ekenın aitty.
- Halyq jazuşysy, jerlesımız, qabyrǧaly qalamger Şerhan Mūrtaza aǧamyz: «Jurnalistıŋ jegenı – jantaq, arqalaǧany – altyn», - dep baǧa bergendei, rasynda, Sızderdıŋ käsıpterıŋızdıŋ märtebesı biık, jauapkerşılıgı zor!
Qazırgı taŋda qoǧam ömırı men damuyn BAQ ökılderınsız elestetu qiyn. Jurnalister halyqty tolǧandyryp jürgen mäseleler turaly aityp, olardyŋ şeşıluıne tıkelei atsalysady. Jergılıktı atqaruşy bilık ökılderı sızderdıŋ ūsynystaryŋyz ben bastamalaryŋyzǧa ärqaşan aşyq, tyǧyz bailanysta jūmys ısteuge daiyn, - dedı Nūrjan Nūrjıgıtov.
Oblys äkımınıŋ aituynşa, bügıngıdei äleumettık jelıde negızsız, jön-josyqsyz jazǧyştar köbeigen tūsta, halyqqa jedel ärı senımdı aqparat taratatyn käsıbi jurnalisterdıŋ orny qaşan da joǧary.
Aimaq basşysy törtınşı bilıktıŋ Jaŋa Qazaqstandy qūruda, el Prezidentı Qasym-Jomart Toqaev ūsynǧan «Halyq ünıne qūlaq asatyn memleket» tūjyrymdamasyn jüzege asyruda maŋyzdy röl atqaratynyn atap öttı.
Sondai-aq, Halyq jazuşysy, bırtuar tūlǧa Şerhan Mūrtazanyŋ 90 jyldyǧy, aqyn, jazuşy-publisist, jurnalist Arǧynbai Bekbosynnyŋ 85, oblystyq «Aq jol» gazetınıŋ 100 jyldyǧyna orai josparlanǧan ıs-şaralarǧa da toqtaldy.
Jiynda Qazaqstan Jazuşylar odaǧynyŋ müşesı, dramaturg Elen Älımjan, qūrmettı jurnalist, Qazaqstan Jazuşylar odaǧynyŋ müşesı Beket Momynqūl söz söilep, ızgı-lebızın bıldırdı.
Būl künı bırqatar BAQ qyzmetkerlerıne türlı marapattar tabys etıldı. «Aq jol» gazetınıŋ bölım meŋgeruşısı Amangeldı Äbıl «Qazaqstannyŋ qūrmettı jurnalisı» tösbelgısımen, «Äulieata-Media» JŞS bas direktorynyŋ orynbasary Alpamys Qazybaev «Aqparat salasynyŋ üzdıgı» tösbelgısımen marapattaldy.
Sondai-aq, jergılıktı jäne respublikalyq BAQ ökılderı Qazaqstan Respublikasy Aqparat jäne äleumettık damu ministrınıŋ, oblys äkımınıŋ, oblystyq mäslihattyŋ Qūrmet gramotalarymen jäne Alǧys hattaryna ie boldy.
