Jastardyŋ sapaly bılım alyp, bäsekege qabılettı boluy kün tärtıbındegı negızgı mäselelerdıŋ qatarynda. Olardyŋ eŋbek naryǧyna aralasyp, qoǧamda öz ornyn tabuǧa ükımet te barynşa järdemdesude. Soǧan qaramastan NEET jastardyŋ qatary älı de azaiar emes. Oblys äkımı Nūrjan Nūrjıgıtovtıŋ jastarymen kezdesuınde osy baǧyttaǧy özektı mäselelerge talqylanyp, belsendı, talapty jastardyŋ ūsynys-pıkırlerı saralandy.
Jeŋıs saiabaǧynda aşyq aspan astynda ötken kezdesuge aimaqtaǧy jastar resurstyq ortalyqtarynyŋ direktorlary, jastar ūiymdarynyŋ köşbasşylary men volonterler de keldı. Basqosuda aldymen öŋır basşysy Nūrjan Moldiiarūly söz söilep, jastar saiasatyn damytudaǧy mäseleler jaiynda keŋınen baiandady.
– Jastar – elımızdıŋ bolaşaǧy. Sondyqtan jastardyŋ bılımdı, tärbielı, bäsekege qabılettı bolyp qalyptasuy asa maŋyzdy. Būl memleket saiasatynyŋ basym baǧyttarynyŋ bırı.
Jyl basynda öŋırdegı jastarǧa taldau jasalyp, zerdeleu jūmystary jürgızıldı. Sodan baiqaǧanymyz 10 paiyz NEET jastar bılım aluǧa jäne jūmys ısteuge qūlyqsyz. Biyl oblysta jastar saiasatyn jüzege asyruǧa 1,4 milliard qarjy qaraldy. Būl ötken jylmen salystyrǧanda 2 ese joǧary. Endı bızge jaŋa bastamalardy ıske asyru kerek. Jastardyŋ jaqsy, ūtymdy ideialaryn ıske asyruǧa daiynbyz. Bız NEET sanatyndaǧy jastardyŋ ülesın azaituǧa barynşa köŋıl bölgenımız abzal.
«Serpın-2050» jobasy arqyly 1 067 student oquǧa tüstı. Sol sekıldı biyl jeŋıldıkpen baspana üşın nesie beruge arnalǧan «Äulieata jastary» baǧdarlamasy ıske qosylyp, jergılıktı biudjetten 500 million teŋge bölındı. Endı baǧdarlama aiasynda biyl 50 jasty üimen qamtu közdelude. Bastama jaqsy ärine. Bıraq osy baǧdarlama turaly eldıŋ terıs közqarasyn qalyptastyrmauymyz kerek. «Asarlatyn üi salu» jobasy boiynşa jyl saiyn jüzden astam äleumettık jaǧdaiy tömen otbasylar üilı boluda. Osy künge deiın 250-den astam janūia berekelı bastamanyŋ şarapatyn körıp, qonys toiyn toilady. Biyl da sol ürdıs boiynşa 117 otbasyǧa asarlatyp üi salyp beru josparlandy. Būl igı jobalarǧa da meilınşe jastardy tartu kerek. Öŋırdegı erıktılerdıŋ, «Jasyl el» eŋbek jasaǧynyŋ jūmystaryna kuämız. Bıraq olardyŋ jūmysy közge körınbeidı. Sondyqtan eŋbek jasaǧyna tartylǧan jastarǧa qaladan 2-3 saiabaq bölıp, sonyŋ tazalyǧyn qadaǧalaudy tapsyru kerek dep oilaimyz. Jastar osyndai baiandy bastamalarǧa jauapkerşılıkpen qarasa, ıs alǧa basady,– deidı Nūrjan Nūrjıgıtov.
Aimaq basşysy öz sözınde «Diplommen auylǧa» baǧdarlamasyna, dın mäselesıne qatysty bırqatar mäselelerge nazar audartty.
Öz kezegınde jastar saiasaty mäselelerı basqarmasynyŋ basşysy Serıkbol Berıkqoja oblys äkımınıŋ tapsyrmasymen bıraqatar naqty mındetter boiynşa josparlar ıske asyrylyp jatqan jūmystarǧa toqtaldy. Mäselen, bügınde basqarma tarapynan 25 myŋǧa juyq NEET jastyŋ jeke derekterı anyqtalyp, elektrondy bazasy äzırlengen. Endı sol bazaǧa qala boiynşa anyqtalmai otyrǧan 3 myŋǧa juyq jas qosylsa, jospar 100 paiyz oryndalmaq. Sonymen qatar, basqarma basşylyǧy tızımdegı 10 myŋǧa juyq jastyŋ bılım alyp, eŋbek etuge niettı ekenın anyqtaǧan. Endı basqarma basşylyǧy sol jastardy oquǧa tüsırıp, grant alyp, jūmys ısteuge niettı jastardy eŋbekke tartuǧa köŋıl bölude. Būl rette jastar saiasaty mäselelerı, jūmyspen qamtudy üilestıru jäne äleumettık baǧdarlamalar jäne bılım basqarmalary bırlesıp jūmys ısteude.
- «Äulieta jastary» baǧdarlamasynyŋ tiımdılıgın arttyryp, keler jylǧa auqymyn keŋeitıp jalǧastyrudy közdep otyrmyz. Bügınde bes salada eŋbek etetın 600-ge juyq jastan ötınış tüstı. Aldaǧy aida kommissiia otyrysyn ötkızıp, naqty mūqtaj otbasylardyŋ tızımın daiyndap, 50 jasty üimen qamtu josparda bar. Osylaişa qazan aiynan tūrǧyn üi kıltterın tabystaudy bastaimyz. Jastardy saiasi-qoǧamdyq ömırge belsene tartu boiynşa da jūmystar ıske asuda. Jastar resurstyq ortalyqtarynyŋ funksionaldyq mındetterın özgertuge köŋıl bölınude.
Memleket basşysynyŋ «Täuelsızdık» jobasy aiasynda 7 baǧyt boiynşa 15 jobaǧa grant böludı qarastyryp jatyrmyz. Bız Täuelsızdık künıne qarai osy granttardy ülestırsek dep josparlap otyrmyz. Būl granttar jastarǧa qajettı infraqūrylymdardy damytuǧa baǧyttalady,– dedı basqarma basşysy.
Kezdesude «AMANAT» partiiasy oblystyq filialy «Jastar ruhy» Jastar qanatynyŋ töraǧasy Ualihan Bolatbek oquşylardyŋ sportqa degen qyzyǧuşylyǧy tömendep bara jatqanynyn jäne qalada marafon jarysyn taǧy bır märte ötkızu turaly oi qosty. Sondai-aq, jastar resurstyq ortalyqtaryna köbırek qarjy bölu turaly, ondaǧy kadrlyq rezerv jaiynda bırneşe ūsynys tastady.
Būdan soŋ «Jasyl El» jastar eŋbek jasaǧy Jambyl oblystyq ştabynyŋ töraǧasy Nūrlan Jienbai eŋbek mausymyn bır jylǧa deiın sozu jäne qoǧamdyq kölıkterge jeŋıldık qarastyrylsa degen tılegın jetkızdı.
«AMANAT» partiiasy oblystyq filialy «Jastar ruhy» Jastar qanaty töraǧasynyŋ orynbasary Erǧali Äbuǧali jastar resurstyq ortalyqtaryn jekeşelendıru jastar saiasatyn ıs jüzınde şirata tüsetının aityp oi tastady. «Assambleia jastary» qoǧamdyq bırlestıgınıŋ müşesı Artur Ligostaev, oblystyq pıkırsaiys odaǧy «Erkın pıkır» jastar qoǧamdyq bırlestıgınıŋ müşesı Şūǧyla Qydyrälı jäne özge de jastar öz pıkırlerın bıldırdı.
Nūrjan Nūrjıgıtov jastardyŋ saualdaryna jan-jaqty jauaptar berıp, barlyq ūsynystar nazarǧa alynatyn jetkızdı.
