Jaqynda QR ŪEM Tabiǧi monopoliialardy retteu komitetınıŋ Qaraǧandy oblysy boiynşa departamentınıŋ qyzmetkerı Sūltan Tūrysbekūly BAQ ökılıne memlekettık tılde jauap beruden bas tartqany turaly aqparat şyqqan edı. Osy oqiǧaǧa bailanysty Tabiǧi monopoliialardy retteu komitetınıŋ ökılderı jauap berdı, dep habarlaidy «Adyrna» tılşısı.
«QR ŪEM Tabiǧi monopoliialardy retteu komitetı öz kezegınde TMRK-nyŋ aumaqtyq departamentı qyzmetkerınıŋ mūndai mınez-qūlqy qabyldauǧa kelmeidı jäne memlekettık qyzmetşınıŋ märtebesıne nūqsan keltıredı dep esepteidı. Osyǧan bailanysty, Qaraǧandy oblysy boiynşa TMRKD basşysynyŋ 2022 jylǧy 27 tamyzdaǧy būiryǧymen Qaraǧandy oblysy boiynşa TMRKD qyzmetkerı, bas maman Sūltan Tūrysbekūly Sadyrbaev sögıs türınde tärtıptık jauapkerşılıkke tartyldy»,– delıngen habarlamada.Aita keteiık, beinejazbada orys tılınde söilep otyrǧan komitet mamany qazaq tılınde saual joldaǧan jurnalistke memlekettık tılde jauap beruden bas tartady.
«Pojaluista, ne ustraivaete zdes balagan»,– deidı ol.
