FlyArystan äue kompaniiasynyŋ qyzmetkerlerı mümkındıgı şekteulı jolauşynyŋ mügedekter arbasyn bagajǧa ötkızbegen, dep habarlaidy «Adyrna» tılşısı.
Niiaz Sündetälievtıŋ aituynşa, oqiǧa Almaty äuejaiynda bolǧan. Oǧan arnaiy tehnika älı künge deiın qaitarylmaǧan.
«Bız 28 tamyz künı saǧat 23:05-te ūşuymyz kerek edı. Bıraq reis keşıgıp, 2:35-te ǧana ūştyq. Jüktı tırkeu kezınde äue kompaniiasynyŋ qyzmetkerı arbamdy ūşaq bortyna kırgıze almaitynymdy aitty, öitkenı men klemma men basqaru pultterın özım ajyratuym kerek eken. Bıraq aiaǧymnyŋ sausaqtary qozǧalmasa, mūny qalai jasaimyn?»—dedı ol.
Jolauşy 26 tamyz künı Qaraǧandydan Almatyǧa däl sol äue kompaniiasymen eş qiyndyqsyz ūşyp kelgenın atap öttı.
«Arbammen ne ısteu kerektıgın anyqtau jarty saǧatqa sozyldy. Osy 30 minut ışınde maǧan müldem jaramsyz, bas tıregı joq, arqasy qatty jäne jūmsaq oryndyǧy joq mügedekter arbasynda otyruǧa tura keldı. Ökınışke qarai, men salmyn, arqamdy tıke ūstai almaimyn. Kez kelgen arbany qoldana almaimyn. Osy aralyqta mügedekter arbasynda bügılıp otyrdym, densaulyǧym men ömırıme qauıp töndı»,– dep tüsındırdı ol.
Niiaz Sündetäliev äue kompaniiasyna mügedekter arbasyn paidalanatynyn, ūşu kezınde kömek qajet ekenın bes kün būryn habarlaǧan.
«Osynyŋ barlyǧyn äue kompaniiasy eskerdı, alaida soŋynda Qaraǧandyǧa ūşyp kettım. Al arbam Almatyda tırkeu üstelınde qaldy. Qazır üidemın, bıraq adamdarmen kezdesuge, özım şyǧyp taza aua jūtuyma mümkındıgım joq. Eŋ bastysy, FlyArystan kompaniiasynyŋ eşqandai qyzmetkerı men sal bola tūra, Qaraǧandy äuejaiynan üige qalai jetkenımdı sūramady»,— dedı jolauşy.
Azamattyq aviasiia komitetı oqiǧaǧa qatysty tüsınıkteme berdı.
«Eger aviakompaniia tarapynan zaŋbūzuşylyqtar anyqtalsa, Komitet qoldanystaǧy zaŋnamada qarastyrylǧan şaralardy qabyldaidy. Jūmys nätijesı boiynşa jauap berıledı»,- dedı
vedomstvo.
Basqalarmen bölıse
otyryŋyz
