Jurnalist Baqtiiar Taijan synnyŋ astynda qalǧan Bekbolat Tıleuhanǧa araşa tüsıp, dosyna tüsınıstıkpen qarauǧa şaqyrdy. Būl turaly "Adyrna" ūlttyq portaly jazady.
"Bekbolat Tıleuhanov ekeuımız bır topyraqtyŋ tülegımız. Säkendei nūr didarly azamatty düniege äkelgen aimaqta, «Jaŋaarqa - baluandar men änşılerdıŋ elı» degen qanatty söz bar. Sonau seksenınşı jyldary alaqandai Jaŋaarqa Qazaqstannyŋ sambo, qazaqşa küres qūramasyn teŋ tüserdei halde edı. Jeŋılmeitın. Al, änşılerı berıden tartqanda İgılık Omarov, Qairat Baibosynov, barda änşılerdıŋ kumirıne ainalǧan Qorabai Esenov, solardyŋ ızın basqan, Qaztuǧan, Aqtamberdı Şalkiızderderdıŋ jyrynan qozǧaǧanda jalaŋ qylyşpen atqa mıngızıp jıbere jazdaityn Bekbolat Tıleuhanov. Aty erte şyqty. Erte eseidı. Ūlystyŋ sözın qai synda da qaiyspai söileitın qaitpas qairatkerıne ainaldy. Ötkende mereitoiymda Akademiialyq İnnovasiialyq Universitettıŋ qūryltaişysy, professor, Qazaqstanǧa eŋbegı sıŋgen jattyqtyruşy Jahan Oŋalbekov «Baqtiiar, adamdardyŋ tek jaqsy jaǧyn köredı» deptı. Momyn, adal äke-şeşemızden jūqqan qasiet bolar, şyndyǧy osy. Maǧan jūrttyŋ bırazy küstanalap jatqan Bekbolattyŋ «kümändı» jaqtary emes ūltqa jasaǧan jaqsylyqtary äbden jaqyn. Dümbılezdeu, orysqoldy Bılım Ministrı «Älıppenı» oqu pänınen alastap jatqanda Parlamentte şybyn janyn şyrqyratyp qaitaryp alǧan atadan er bolyp tuǧan Bekbolatyŋ emes pa edı būl?! Qazaq öz jerınde azşylyq boldy. Ünı qūmyǧa berdı. Alystaǧy aǧaiynnyŋ köşı toqtauǧa ainalǧanda Aqtamberdınıŋ ūranyna basyp, memlekettıŋ esın jiǧyzǧan, jarty estı ministrlerdıŋ apşysyn quyrǧan, köştı ornynan qozǧaǧan Bekbolatyŋ emes pe būl?!",- dep jazdy Baqtiiar Taijan özınıŋ feisbuk paraqşasynda.Jurnalisttıŋ aituynşa, Bekbolat Tıleuhan ūlt müddesın satatyn azamat emes.
"Oŋtüstık Qazaqstan - keŋes imperiiasynyŋ tısı batpaǧan jer. Soltüstık, Ortalyqty orysqa ainaldyruǧa şaq qalǧanda qazaǧy mol, salt-dästürın saqtap qalǧan Oŋtüstık ileuıne köne qoimady. İmperiianyŋ Oŋtüstıktı jerge ūrǧan saiasatyn bızdıŋ köp aǧaiyn älı de şyŋdyq dep bılıp, Şymkent dese ejıreiıp şyǧa keledı. «Apyr-au, eldı el qylǧan han, töre, bi, sūltan, batyr, bai baǧylandaryŋnyŋ denı Oŋtüstıkte mäŋgı damyldap jatyr. Arǧysyn bylai qoiǧanda qazaq ruhaniiatynyŋ sardary Özbekälı Jänıbekov, berısı Oktiabr Jarylqapov, Äbdısalan Nūrmahanov, Bekzat Sattarhanov pen Mūhtarhan Dıldabekovtı jaqsy köresıŋder de, olardy düniege äkelgen Oŋtüstıktı qalai jaman köresıŋder dep ūlttyŋ esın jidyrǧan Bekbolattyŋ emes pe būl?! Aitsa aitar kep köp qoi. Keiıngı kezderı Bekbolatty synap-mıneuşılerdıŋ köbeigenı qorqytady. Änebıreu, bügınde bükıl älemge qazaqşa än saldyryp qoiǧan Dimaşty eldegı konkursta qūlatyp «osy qatyndauysty, şyŋǧyryp än aitatyn änşılerden qorqamyn» dep ūly jaŋalyq aşqan, jau joqta attandap, jau ketkende qylyşyn boqqa ūratyn aitys aqyny «Bekbolat qaŋtar oqiǧasyn bıldı, qaşyp kettı» dep jür. Sol Bekbolat jeltoqsanda qyzmet auystyrǧanyn, Türkiiada bolatynyn aitpap pa edı. Aşyǧy tek Allaǧa aian. Qaŋtarda qaida boldyq. Tyǧylyp üide jattyq. Bügınde «qaŋtarda qaida boldyŋ?» dep ärkımge sūq sausaǧyn bezeitın äsırepatriottar da sol qyrǧynda eşbırı töbe körsetıp, halyq ortasynda jürmegenın kördık qoi. Bekbolattyŋ advokaty emespın. Sonau mektepte jürıp syilaǧan syralǧy dos, ūlt sözın söilegen jaqsy ınını jündei tütıp jatqan soŋ aulaǧyraq tūra almadyq. Ras, Bekbolat kemşılıksız emes. Ondaidan eşqaisymyz qūralaqan emespız. Ūlyq Alla ǧana kemşılıksız. Bıraq, qanşa jerge ūrsaq ta Bekbolat ūlt müddesın satatyn azamat emes edı. Tüsınıstıkpen qaraiyq. Ardaqtylarymyzdy keneusız qyrǧan zūlmat zamany emes. Parlamentke Şerhan Mūrtaza, Amangeldı Aitaly, Mūhtar Şahanovtan keiın ūlttyq ruh äkelgen, qazaq mäselesıne kelgende şovinisterge qasqaiyp qarsy tūrǧan qarǧa boidy Qaztuǧanymyzdy qadırlei bıleiık. Osy edı aitpaǧym. Barymyzdy baǧalaiyqşy. «Baǧalai bılgenge baq qonady, quana bılgenge qūt qonady» dep abyz Äbış aǧa aitpap pa edı", - deidı ol.
"Adyrna" ūlttyq portaly
