2020 jyldyŋ basynda qatty nauqastandym. Bır jylǧa juyq uaqyt jūmystan da, qoǧamnan da şettep kettım. Şynymdy aitsam, ömır üşın kürestım.
Sol uaqytta Baian üige kelıp: «Tūreke, sız auyryp jatyrsyz ǧoi, men jūmysty jürgıze bereiın, keiın sız jazylǧanda bärın äkep öz qolyŋyzǧa tapsyramyn, «Qara şaŋyraq» maǧan amanat»,-dep mördı, qūryltaişylyq qūjattardy üiden alyp kettı. Şynymdy aitsam, auyr em, auyr därı qatty äser etıp, dūrys tüsınetınde jaǧdaida emes edım. Keiın betım berı qarap, ömırge orala bastadym. Sol kezde Baianmen habarlassam, telefon kötermeidı, mennen qaşqaqtaidy. Feisbuktegı, instagramdaǧy dostyqty būǧattap tastaǧan. Özara aralasatyn, jaqsy syilaityn bır apaiǧa habarlasyp qoiamyn. Ol kısınıŋ özı de, sözı de özgergen.Aralasyp jürgen jandardyŋ özı basqaşa söileidı. Barlyǧy mennen qaşady. Söitıp jürgende qūryltaişylyqtaǧy bır kelınşek habarlasyp: sızdı «Qara şaŋyraqtyŋ» Astanadaǧy filialyna basşy etpek deidı. Qalai? Qaidaǧy filial? Nege? Özım qūrǧan qoǧamdyq bırlestıktıŋ basşysy boluǧa laiyq emespın be? «Qara şaŋyraqty» däl mendei ūǧynyp, ony tüpkı maqsatyna jetkıze ala ma olar? Sol kezde aǧamnan aiyrylyp, süiegı şetelde qalyp, qaiǧydan qan jūtyp jürgen kezım edı. Tük tüsınbedım. Odan keiıngı äŋgımenı maǧan aitu öte auyr. Bügınde respublikalyq Analar keŋesın basqaryp otyrǧan Näzipa Şanai maǧan habarlasyp: Tūrar, aǧaŋ ömırden ozypty, şäiǧa şaqyramyn dedı. Qazaqtyŋ köŋılşaiy bolar dep aitqan mekenjaiyna keldım. Bırer minuttan soŋ Baian men taǧy bır apai keldı. Bır uaqytta Näzipa Ydyrysqyzy äŋgımenı bastap: bız «Qara şaŋyraqtyŋ» keŋes müşelerı şeştık, endı Qoǧamdyq bırlestıktıŋ töraiymy Baian bolady dedı. Men aldymda qarsy otyrǧan Baianǧa qarap: Baian, myna kısıler ne aityp otyr? «Qara şaŋyraqty» qūrǧan kezde būl kısıler bolǧan joq edı, sen amanat dep alyp edıŋ ǧoi-dedım. Sol kezde Baian tömen qarap ündemedı. Şynymdy aitsam, sol kezde kımmen, qalai söileskenım, bärın eske alu men üşın öte auyr. Odan keiın 3 ai üiden şyqpai, tösek tartyp jatyp qaldym.Toqeterı. Baian Ahatai «Qara şaŋyraq» qoǧamdyq bırlestıgıne qaita tırketu jasatyp, özı Töraiym bolyp alady.
Menıŋ üiıme tırkelgen Qoǧamdyq bırlestıktı özınıŋ balabaqşasynyŋ mekenjaiyna tırketedı. Menıŋ ūsynysymmen sailanǧan qūryltaişylardyŋ barlyǧyn-derık şyǧaryp tastaidy da, özınıŋ sözın söileitınderdı sailaidy. Qūryltaişylyq qūjattardyŋ bärıne menıŋ atymnan jalǧan qol qoiyp, Qoǧamdyq bırlestıktı qaita tırketedı. «Qara şaŋyraq degen kielı ūǧym. Is qozǧau bolmas. Qazaqtyŋ qyzy ǧoi, ūiat bolar. Bır habarlasar», -dep 9 ai küttım. Bıraq habarlaspaq tügılı telefonymdy da almaityn. Menı qaralaǧan neşe türlı äŋgımeler jetıp jatty. Özara tanystar habarlasyp, sen söitıpsıŋ ǧoi, men jaily büitıpsıŋ degen renışterınde bıldırıp jatty. Aqtaldym. Aitpadym dedım. Jyladym. Qinaldym. Sonda da janymda jürgen sıŋlımdei qyz edı ǧoi dep, jamandyqqa qimadym. Sonda da bır künı habarlasar degen ümıtımdı üzbedım. «Apai, mūndai adamdar eşteŋeden taiynbaidy. Aldyndaǧysyn taptap ötedı. Sız qyzyqsyz. Ol sız qatty auyryp jatqan kezıŋızde satqyndyq jasady, sızdı jylatty. Erteŋ taǧy bıreudı jylatady. Būlai bolmaidy. «Qara şaŋyraǧyŋyzdy» qaitaryp alyŋyz,-degen janaşyr jandardyŋ qoldauymen, osy jyldyŋ 18 mausymynda Saryarqa audandyq Işkı ıster organyna aryz tastadym. Sodan berı mıne, ekı aidan astam uaqyt öttı. Is tapsyrylǧan anyqtauşy menı bügın ǧana şaqyrdy. Onyŋ özınde özım qaita-qaita habarlastym. Şyn mänınde būl ıstıŋ sozyluyna, sosyn merzımı jetıp, «qylmys qūramy tabylmady» dep jabyluyna müddelı yqpaldy adamdar bar ekenın sezemın.Olardyŋ maǧan qarsy jasap jatqan şabuylyna da, menı barlyq jerge jamandap, tıptı janymdaǧy adamdardy da menen alystatu üşın barlyǧyn jasap, tıptı «Qara şaŋyraq» ūjymy mausymda ūiymdastyrǧan eŋ maŋyzdy ıs-şaramnyŋ ötkızılmei qaluy üşın, aiaqtan şalyp jatqanyna da osy künge deiın, qazaqşylyqqa salynyp, qoi, ūiat bolar, qoiar dep ündemei kelemın.
Tıptı qalalyq deŋgeidegı bır komissiiaǧa ekı jyl qatarynan müşe bolǧan edım. Ol müşelıkten şyǧaryp tastauǧa da «yqpaldynyŋ» qoly tigenın bıldım. Äitpese, osy Astanada ūlttyq qūndylyqty därıptep, balalarmen jūmys ıstep jürgen mendei adamdy «jūmys ıstemedı» dep şyǧara ma? Şydamnyŋ da şegı bar eken. Bügın aitpasam, būl ıstıŋ toqtap qalǧaly tūrǧanyna közım jettı. Sondyqtan Saryarqa Işkı ıster bölımınde qaralyp jatqan ıs toqtap qalmasyn degen ümıtte jazuǧa mäjbür bolyp otyrmyn, aǧaiyn. Söge jamandamaŋyzdar. Osy ekı jyl ışınde menıŋ basymnan keşken jaǧdaidy, men kötergen synaq pen auyrtpalyqty eşkımnıŋ basyna bermesın. Qoǧamdyq bırlestık qolymda bolmaǧandyqtan, qanşama närse joǧalttym. Osy zaŋsyz ıstıŋ artynda QR Premer-ministrı Eraly Toǧjannyŋ keŋesşısı, Qazaq halqy Assambleiasy janyndaǧy Analar keŋesınıŋ töraiymy, Prezident janyndaǧy Äielder ısterı jäne otbasylyq demografiialyq saiasat jönındegı Ūlttyq komissiianyŋ müşesı Nazipa Şanaidyŋ tūrǧanyna senımdımın.Jaŋa Qazaqstan deimız. Jaŋa Respublika deimız. Ädıldık deimız. Ädıldık auyly alys pa dep qalamyn.
Bügınde Baian Ahataidy janyna ertıp alyp, respublikany aralap, ana, bala, ūrpaq mäselesın köterıp jür. Baian Ahatai «Amanat» partiiasynyŋ respublikalyq bır keŋesıne müşe eken. Jaqynda Bılım mūǧalımderdıŋ tamyz konferensiiasynda özı müşe bolyp tabylmaityn, «Qazaq halqy Assambleiasy» janyndaǧy Analar keŋesınıŋ, dälırek aitqanda, onyŋ töraiymy Näzipa Şanaidyŋ atynan ūrpaq tärbiesıne qatysty «tamaşa» sözder aityp otyrǧanyn kördım. Amanatqa qiianat jasaǧan jannyŋ ūrpaq tärbiesıne qatysty söz aituǧa qandai qaqy bar? Aidyŋ künnıŋ amanynda bıreudıŋ ideiasyn ūrlap, tartyp alyp, reiderlıkpen ainalysyp jürgen adamdar qalai elge aqyl aityp, önege körsetpek?Qūrmettı aǧaiyn, būl menıŋ jan aiǧaiym. Bastysy, «Aqqa Qūdai jaq bolyp», yqpaldylardyŋ aralasuymen qozǧalǧan ıs toqtap qalmasyn. Öitkenı maǧan satqyndyq jasaǧan jan künı erteŋ basqasyna da satqyndyq jasap, basqa bıreudı jylatpasyna kım kepıl?!. Men tözımdımın, qiyndyqqa synbadym. Tızerlep qalsam da, jyǧylmadym. Qaita tūrdym. Al basqa adam mūndai synaqqa töze ala ma eken?!", - dep jazdy Tūrar Sättarqyzy.
"Adyrna" ūlttyq portaly
