Petropavlda 20 jastaǧy jūmysşy qūrylys nysanynda köz jūmdy, dep habarlaidy «Adyrna» tılşısı Polisia.kz-ke sılteme jasap.
«31 tamyz künı Petropavl qalasynyŋ Polisiia basqarmasyna Jambyl köşesındegı qūrylys nysandarynyŋ bırınen üş qyzmetkerdıŋ denesı tabylǧany turaly habarlama kelıp tüstı. Qūrylys nysanynyŋ janyndaǧy su qūbyry qūdyqtaryn tazartu kezınde 1994, 2002 jäne 2004 jyldary tuǧan üş jūmysşy bulanudan zardap şekkenı anyqtaldy. Olardyŋ bırı, 20 jastaǧy jıgıt, sol jerde qaitys boldy. Qalǧan ekı zardap şeguşı qalanyŋ medisinalyq mekemesıne jatqyzyldy»,—delıngen habarlamada.Atalǧan faktı QR QK-nıŋ 156-babynyŋ 3-bölıgı “Eŋbektı qorǧau erejelerın būzu” boiynşa sotqa deiıngı tergeudıŋ bıryŋǧai tızılımınde tırkeldı. Saraptama taǧaiyndaldy. Istıŋ män-jailaryn zertteuge baǧyttalǧan tergeu äreketterı jürgızılude, olardyŋ nätijelerı boiynşa tüpkılıktı ıs jürgızu şeşımı qabyldanatyn bolady. Sondai-aq jūmystardy oryndau kezınde öndırıstık qauıpsızdık talaptaryn saqtau boiynşa merdıger ūiymdardyŋ kınäsı anyqtalady.