Memleket basşysy Qasym-Jomart Toqaev Ūlttyq qordyŋ qarjysyna bailanysty pıkır bıldırdı, dep habarlaidy «Adyrna» tılşısı.
«Ūlttyq qordyŋ qarjysyn tiımsız jūmsau toqtatylady. Būl – öte özektı mäsele. Qordyŋ qarajatyn asa qajet infraqūrylymdy damytuǧa jäne elımız üşın maŋyzy zor jobalardy qarjylandyruǧa jūmsaimyz. Biudjet üderısterın barynşa jeŋıldetu qajet. Memlekettık organdardyŋ igerılmegen qarajatty kelesı jylǧa qaldyruyna mümkındık beru kerek. Sol arqyly olar aqşany biudjetke qaitarudyŋ tiımsız tärtıbınen qūtylady. Sonymen bırge, biudjetke qatysty täuekelderdı basqaru jüiesın ıske qosu kerek. Būl jüie kvazimemlekettık sektordy da qamtuǧa tiıs»,—dedı ol.