Bügın «AMANAT» Töraǧasy Erlan Qoşanov Memleket basşysy Qasym-Jomart Toqaevtyŋ «Ädılettı memleket. Bırtūtas ūlt. Berekelı qoǧam» atty Qazaqstan halqyna Joldauyn talqylau üşın partiia aktivımen jiyn ötkızdı.
Oǧan Parlament deputattary, qoǧam qairatkerlerı, Ortalyq apparattyŋ qyzmetkerlerı qatysty. Sondai-aq, beinekonferensiia bailanysy arqyly partiianyŋ barlyq aimaqtyq filialdary qosyldy.
Erlan Qoşanov jiynǧa qatysuşylardyŋ nazaryn Joldau – Jaŋa Ädılettı Qazaqstan qūru jolyndaǧy taǧy bır ülken qadam ekenıne audardy.
«Joldauda Prezident ädettegıdei, qazaqstandyqtardyŋ eŋ özektı saualdaryna naqty jauabyn berdı. Būl bastau alǧan saiasi özgerısterdıŋ jalǧasy. Prezidenttıŋ sözı men ısı bır jerden şyǧatynynyŋ taǧy bır dälelı – osy. Aldaǧy sailau nauqandarynyŋ kestesı jariialandy. Memleket basşysy Prezident mandatyn qysqartu jäne ūzaqtyǧy 7 jyldyq bır merzımmen şekteu jönınde bastama köterdı. Mūnyŋ bärı reformalar baǧytynyŋ däiektılıgın jäne onyŋ eldegı demokratiiany nyǧaituǧa baǧyttalǧanyn körsetedı», – dedı ol.Sonymen qatar, partiia Töraǧasy qazırgı syn-qaterlerge qaramastan, Prezident memlekettık äleumettık saiasatty küşeitıp jatqanyn atap öttı: bılım beru men densaulyq saqtaudy damytuǧa, jastar men auyl şaruaşylyǧyn qoldauǧa ülken qarajat bölınude, barlyq äleumettık tölemder indekstelude, zeinetaqy qaita qaraluda, «Ūlttyq qor – balalarǧa» jobasy ıske qosyluda.
«AMANAT» partiiasy elımızdıŋ jetekşı saiasi küşı retınde Memleket basşysynyŋ saiasi jäne äleumettık-ekonomikalyq bastamalaryn tolyq qoldaidy. Prezidenttıŋ Joldauda ūsynǧan barlyq reformalary – būl eldıŋ jaŋa jaǧdaida damuyna tyŋ serpın beretın progressivtı ärı uaqtyly şaralar», – dep atap öttı Erlan Qoşanov. Sondai-aq ıs-şara barysynda partiianyŋ Saiasi keŋesı Biurosynyŋ müşesı, «Egemen Qazaqstan» respublikalyq gazetınıŋ Bas direktory Darhan Qydyrälı söz söiledı. Onyŋ aituynşa, Joldau el damuynyŋ aldaǧy baǧytyn aiqyndaidy. «Memleket basşysy öz Joldauynda halyqty tolǧandyratyn barlyq özektı mäselenı qamtydy. Būl su resurstarynyŋ jetıspeuşılıgı, jol jöndeu, auyldaǧy medisinany damytu, igerılmegen jerlerdı qaitaru jäne taǧy basqalar. Sondyqtan bız Prezidenttıŋ baǧytyn tolyq qoldaimyz», – dedı Darhan Qydyrälı.Öz kezegınde «AMANAT» partiiasy Almaty qalalyq filialynyŋ atqaruşy hatşysy Meiırjan Otynşiev Almatynyŋ jastar men studentter qalasy ekenın atap öttı.
«Būl rette, 100 myŋ jas azamatty jūmysqa ornalastyru, jas käsıpkerlerge jeŋıldıkpen nesie beru, studentter jataqhanasynyŋ mäselesın şeşu boiynşa naqty şaralar qamtylǧan Joldau – bolaşaq ūrpaqtyŋ mäselelerı Prezidenttıŋ nazarynda ekenın aiqyndap otyr», – dedı Meiırjan Otynşiev.Partiianyŋ Soltüstık Qazaqstan oblystyq filialynyŋ atqaruşy hatşysy Äsem Rahmetova barlyq mındet qoǧamnyŋ, memlekettık apparattyŋ jäne «AMANAT» partiiasynyŋ ortaq küş-jıgerımen ıske asady degen pıkır bıldırdı.
«Bügıngı jūmysymyzda qoǧamdyq dialog, aşyqtyq, tūrǧyndardyŋ mūŋ-mūqtajyna jedel den qoiu mäselesı basym baǧyt boluy tiıs. Sol arqyly oiǧa alǧan dünienıŋ barlyǧyn ıske asyra alamyz», – dedı ol.Jiyn qorytyndysy boiynşa «AMANAT» Töraǧasy Erlan Qoşanov partiianyŋ Ortalyq apparaty men öŋırlık filialdarynyŋ aldyna Joldaudy halyq arasynda ılgerıletu jäne onda aitylǧan Memleket basşysynyŋ reformalaryn ıske asyru üşın barlyq partiialyq resurstardy jūmyldyru jönınde bırqatar naqty mındetter qoidy.
