Reseilıkterdı öltıruge şaqyrǧan Ukraina elşısı Qazaqstannan ketıp qaldy

Reseilıkterdı öltıruge şaqyrǧan Ukrainanyŋ Qazaqstandaǧy elşısı Petr Vrublevskii bilıktıŋ talabymen elden ketıp qaldy, dep mälımdeidı "Adyrna".  Vrublevskii Polşa äue kompaniiasynyŋ taŋǧy reisımen Varşavaǧa ūşyp ketken. Būǧan deiın Vrublevskii Qazaqstan Syrtqy ıster ministrlıgınde reseilıkter turaly aitqan sözderı üşın resmi türde keşırım sūraǧan bolatyn. Osydan keiın ol demalysqa kettı. Elşı diplomatiialyq departamentke şaqyrylyp, oǧan qazaqstandyq bloger Dias Qūzairovqa bergen sūhbatyndaǧy mälımdemesıne bailanysty narazylyq bıldırıldı. Qazaqstannyŋ Syrtqy ıster ministrlıgı de «osyndai mälımdemelerdıŋ elşınıŋ qyzmetıne sai emestıgın jäne üilespeitının» mälımdedı.