Bügın Almatyda «Qazpoştanyŋ» jüzge juyq qyzmetkerı narazylyq aksiiasyna şyqty, dep habarlaidy «Adyrna» tılşısı.
Olar jalaqyny ösırıp, eŋbek jaǧdaiyn jaqsartudy talap etıp otyr.
«Jalaqymyz nebärı 110-120 myŋ teŋgenı qūraidy. Keibıreulerınıkı 70 myŋ teŋgeden az. Būl ömır süru üşın jetkılıksız. Aramyzda jalǧyzbasty analar bar. Bız memlekettık äleumettık paketten de qaǧyldyq»,—deidı olar.Aita keteiık, Qazpoşta qyzmetkerlerı alǧaşqy ereuıldı nauryz aiynda ūiymdastyrǧan edı. Alaida basşylyq mäselenı älı künge deiın şeşpegen.
