Búgin Mańǵystaý oblysynyń ákimi Nurlan Noǵaev depýtattarǵa óz erkimen qyzmetinen bosatý týraly aryz bergen Mańǵystaý aýdanynyń ákimi Tilek Qoshmaǵambetovtiń ornyna usynylǵan jańa ákimniń kandıdatýrasyn tanystyrdy, dep habarlaıdy «Adyrna» tilshisi.
Ǵalymjan Nııazovtyń kandıdatýrasy Qazaqstan Prezıdentiniń ákimshiligimen kelisildi. Buǵan deıin ol Mańǵystaý oblysy ákiminiń orynbasary qyzmetin atqardy.
Aıta keteıik, 2022 jyldyń aqpanynda Ǵalymjan Muqyruly Nııazov 2 aıǵa qamaýǵa alynǵan edi. Qarjy monıtorıngi agenttigi oǵan qyzmettik ýákiletin asyra paıdalandy degen aıyp taqty. Keıin sheneýniktiń úıqamaqqa aýystyrylǵany, mamyr aıynda jumysqa qaıta shyqqany belgili boldy.
