Almaty ákimi Erbolat Dosaev Túrksib aýdany turǵyndarymen kezdesý barysynda osy jyldyń sońyna deıin áli jaryq júrgizilmegen 100 kóshede syrtqy jaryq ornatylady, dep habarlaıdy "Adyrna" tilshisi.
"Ótken kezdesýde sizder «Shýaqty», «Nurshashqan» , «Álmerek» jáne «Qaırat» shaǵynaýdandarynda únemi jaryqtyń sónip qalatynyn aıttyńyzdar. Onyń negizgi sebepteri jelilerdiń tozýy jáne qýattyń jetispeýi bolyp tabylady", - dedi qala ákimi Erbolat Dosaev.
Onyń aıtýynsha, atalǵan máselelerdi sheshý úshin jumys eki baǵytta júrip jatyr.
Birinshi, qazirgi tańda 4,2 km elektr jelisi rekonstrýkııalandy. Jyldyń sońyna deıin 11 km-ge deıin jetkizý josparlanǵan. Osylaısha, «Shýaqty» jáne «Nurshashqan» shaǵynaýdandardaǵy eski elektr jelilerin jańartý aıaqtalady. 2023 jyldyń I-toqsanynda «Álmerek» jáne «Qaırat» shaǵynaýdandarynda osyndaı jumystar bastalady.
Ekinshi, Búgingi tańda jetkilikti qýatty qamtamasyz etý úshin «Tuzdybastaý» podstanııasy salynyp jatyr. Obektini 2023 jyldyń II-toqsanynda paıdalanýǵa berý josparlanǵan. Sodan keıin osy shaǵynaýdandardy turaqty elektrmen qamtamasyz etý máselesi tolyǵymen sheshiletin bolady.