Almatyda "Jastardy äleumettendıru jäne oŋaltu" jobasynyŋ aiasynda belgılı käsıpker Syrymbek Taudyŋ qatysuymen seminar-trening öttı.
Is-şaraǧa 160-qa juyq jastar qatysyp, jaŋa bılım igerdı.
"Adyrna" qoǧamdyq qory joba aiasynda jastarǧa jyldyq tabysy 5 mln dollardy qūraityn, qazırgı taŋda Yokohama jäne Triangle şinalarynyŋ distribiutory - Daco motors KZ kompaniiasynyŋ, SamgaPress baspasynyŋ iesı, tanymal käsıpker, saiahatşy - Syrymbek Taumen kezdesuge mümkındık syilady.
Syrymbek myrza seminarda käsıp bastaudyŋ qyr-cyrlarymen bölısıp, negızgı qajettı tyŋ aqparattardy aityp, jas buynǧa motivasiia berdı.
Būdan bölek trening barysynda köpşılık käsıpkerge türlı sūraqtar qoiyp, kökeilerın mazalaǧan sūraqtarǧa jauap ala aldy.
Is-şara QR Aqparat jäne qoǧamdyq damu ministrlıgı men «Azamattyq bastamalardy qoldau ortalyǧynyŋ» qoldauymen «Adyrna» ŪEB» QQ «Jastardy äleumettendıru jäne oŋaltu» jobasy aiasynda öttı.
Syrymbek myrza seminarda käsıp bastaudyŋ qyr-cyrlarymen bölısıp, negızgı qajettı tyŋ aqparattardy aityp, jas buynǧa motivasiia berdı.
"Jetıstıkke jetemın degen jannyŋ älbette ekonomikadan habary, qarajat jaǧynan bılımı boluy qajet. Kım bolsa da, äuelı özınıŋ jeke şyǧyndaryn saraptap, retke keltıre alǧan bolsa bolaşaqta ülken kompaniianyŋ şyǧyndaryn da basqara alatyn boldy. Özgerıstı özıŋnen bastaǧan abzal. Bılım al, sportpen şūǧyldan, damuşy orta tap. Sonda ǧana, özıŋ de özgeresıŋ, senıŋ jasaǧan ıs-äreketterıŋ de özgeredı. Mäselen, qarajatty ünemdei almau da sauatsyzdyqtyŋ bır belgısı. Mūndai jaǧdaida ekı ädıstı qoldanǧan abzal. Bırı - şyǧyndardy ünemı jazyp otyru. Adam közımen aqşa jūmsaǧanyn ūǧynǧan saiyn, būl närsege sene bastaidy. Ekınşısı - "jegendei boldym" qaǧidasy. Iаǧni, kofe ışkıŋız kelıp ketse, kofehananyŋ janynan ötıp bara jatyp, ıştei "ışkendei boldym" deu adamdy sendıredı. Solai näpsını syndyru arqyly, qaltadaǧy qarajatty basqaruǧa bolady" dedı ol jastarǧa aitqan baiandamasynda.
Būdan bölek trening barysynda köpşılık käsıpkerge türlı sūraqtar qoiyp, kökeilerın mazalaǧan sūraqtarǧa jauap ala aldy.
"Sen janbasaŋ lapyldap, men janbasam lapyldap, ol janbasa lapyldap, aspan qalai aşylmaq" degendei, bolaşaq myna sızderdıŋ, jastardyŋ qolynda. Bügıngı seminardan bırıŋız bolsyn tüier dünie alyp ketıp, jetıstıkke jetken bolsaŋyz būl bızdıŋ ülken eŋbegımızdıŋ nätijesı dep bılemız. Qaşan damimyn, janamyn, jetılemın degen jastarǧa qoldau körsetuge daiynbyz" dedı "Adyrna" qoǧamdyq qorynyŋ prezidentı Arman Äubäkır.
Is-şara QR Aqparat jäne qoǧamdyq damu ministrlıgı men «Azamattyq bastamalardy qoldau ortalyǧynyŋ» qoldauymen «Adyrna» ŪEB» QQ «Jastardy äleumettendıru jäne oŋaltu» jobasy aiasynda öttı.
