2022 jylǧy 1 qyrküiektegı jaǧdai boiynşa jergılıktı atqaruşy organdardyŋ rūqsatymen Qazaqstan aumaǧynda 15 524 şetel azamaty eŋbek etedı. Būl turaly Eŋbek jäne halyqty äleumettık qorǧau ministrlıgı habarlady, dep jazady "Adyrna" ūlttyq portaly.
«Şeteldık jūmys küşın (būdan ärı – ŞJK) tartuǧa rūqsattardyŋ arasynda mynadai sanattar bar: basşylar men olardyŋ orynbasarlary üşın 594 rūqsat (bırınşı sanat), qūrylymdyq bölımşelerdıŋ basşylary üşın 3 901 rūqsat (ekınşı sanat). Tartylǧan ŞJK negızgı bölıgı üşınşı (mamandar) jäne törtınşı (bılıktı jūmysşylar) sanattarǧa jatady – tiısınşe olar 8 894 jäne 911 adam. Sondai-aq mausymdyq jūmystarǧa 1 430 adam, al korporativtık auystyru aiasynda 1 604 adam tartyldy. Qazırgı uaqytta Qazaqstanda ŞJK paidalanatyn 1 748 jūmys beruşı bar. Olarda 400 myŋnan astam Qazaqstan azamaty jūmys ısteidı, būl qyzmetkerlerdıŋ jalpy sanynyŋ 96% - y», - delıngen habarlamada.Ekonomikalyq qyzmet türlerı boiynşa eŋ köp jūmys ısteitınder qūrylys salasynda – 6 139 adam (40%); tau – ken önerkäsıbı jäne karerlerdı qazu – 1 489 adam (10%); auyl, orman jäne balyq şaruaşylyǧy – 1 256 adam (8%); käsıbi, ǧylymi jäne tehnikalyq qyzmet – 1 158 adam (8% ); öŋdeu önerkäsıbı – 1 154 adam (8%). Eŋbek migranttary keletın negızgı elder: Qytai – 3 576 adam, Ündıstan – 1 740 adam, Türkiia – 1 701 adam, Özbekstan – 1 535 adam, Ūlybritaniia – 1 127 adam. Işkı eŋbek naryǧyn qorǧau maqsatynda QR Eŋbek jäne halyqty äleumettık qorǧau ministrlıgı jyl saiyn respublikaǧa şetel mamandaryn tartuǧa kvota belgıleidı jäne böledı. Osy jylǧy qaŋtarda ırı otandyq biznes ökılderımen kezdesu qorytyndysy boiynşa Memleket basşysynyŋ bergen tapsyrmasyn oryndau üşın ministrlık şetel jūmys küşın tartuǧa arnalǧan kvotany būryn josparlanǧan 28 352 bırlıkten 23 560 bırlıkke deiın, iaǧni 4 792 adamǧa (16%) qysqartty.
"Adyrna" ūlttyq portaly
