Búgin Almatyda «Ózgeris ústindegi álemde teń dárejede bilim berýdi ilgeriletý» taqyrybynda 10-shy ICBCB 2022 halyqaralyq konferenııasy bastaldy. Eki kúndik ǵylymı sharaǵa Ulybrıtanııa, Úndistan, Taıland, Qyrǵyzstan, Reseıden kelgen sheteldik jáne otandyq ǵalymdar qatysyp jatyr.
Sýleıman Demırel atyndaǵy ýnıversıtet rektory Álimjan Bekejanuly sharanyń ashylý saltanatynda qatysýshylarǵa sáttilik tilep, pedagogterdi Ustazdar kúnimen quttyqtady.
«Búgin ǵalymdar álemde teń dárejede bilim berýdi talqylaıdy. Halyqaralyq deńgeıdegi mundaı ǵylymı konferenııany ótkizý ýnıversıtetimiz úshin úlken mártebe. Sharany uıymdastyrýdaǵy basty maqsatymyz – jahandaný dáýirinde tutas bilim berý júıesine negizdelgen qundylyqtardy jáne túrli mádenıetter arasyndaǵy yntymaqtastyq qarym-qatynasty dáripteý. Sondaı-aq otandyq jáne halyqaralyq ǵalymdarmen ǵylymı jáne kásibı baılanys ornatatyn alań qurý, bilim salasyndaǵy ózekti máselelerdiń ońtaıly sheshimin tabý. Osy eki kúnniń ishinde atalǵan máseleler boıynsha usynǵan zertteýler bilim berý proesin damytýǵa úles qosady degen senimdemin. Konferenııaǵa qatysyp jatqan ustazdar qaýymyn kásibı merekesimen quttyqtaımyn», - dedi ol.
Abaı atyndaǵy qazaq ulttyq pedagogıkalyq ýnıversıtetiniń rektory, PhD doktor Darhan Bilálov ǵylymı sharanyń mańyzdylyǵyn atap ótti.
«Búgingi halyqaralyq ǵylymı konferenııa – óte mańyzdy shara. Taqyryptyń ózi aıtyp turǵandaı, ǵalymdar álemdegi ózekti máselelerdiń birin kóterip jatyr. Birinshiden, balalardyń teń dárejede sapaly bilim alýy kerek. Bul Qazaqstanda ǵana emes, álem boıynsha kún tártibinde turǵan ózekti problema. Búgingi konferenııaǵa qatysyp jatqan zertteýshiler osy taqyryptaǵy zertteýleri týraly aıtyp, mańyzdylyǵyn túsindirip qana qoımaı, onyń naqty sheshý joldaryn, mehanzımin de usynyp jatyr», – dedi rektor.
Halyqaralyq ǵylymı konferenııada onlaın jáne oflaın formatta bilim berý júıesin jaqsartýǵa arnalǵan kóptegen ıdeıa aıtylyp, ǵalymdar zertteý jumystarymen bólisip jatyr. Olardyń ishinde bilim berý salasyndaǵy táýelsiz zertteýshi, Úndistannan kelgen professor Sugata Mitra, London ýnıversıtettik kolledjiniń ǵylym jáne ekologııalyq bilim berý professory Justin Dillon, professor, doktor, Taılandta Parlamentiniń depýtaty Kanok Wongtrangan, Abaı atyndaǵy Qazaq ulttyq pedagogıka ýnıversıtetiniń rektory, PhD doktory Darhan Bilálov, Qazaq ulttyq qyzdar pedagogıkalyq ýnıversıtetiniń rektory, PhD doktory Gúlmıra Qanaı, KIMEP ýnıversıtetiniń dekany, professor Jýldyz Smagýlova, Nazarbaev ýnıversıtetiniń professory Dýıshon Shamatov basty spıkerler retinde qatysyp jatyr.
