Bügın Almatyda «Özgerıs üstındegı älemde teŋ därejede bılım berudı ılgerıletu» taqyrybynda 10-şy ICBCB 2022 halyqaralyq konferensiiasy bastaldy. Ekı kündık ǧylymi şaraǧa Ūlybritaniia, Ündıstan, Tailand, Qyrǧyzstan, Reseiden kelgen şeteldık jäne otandyq ǧalymdar qatysyp jatyr.
Suleiman Demirel atyndaǧy universitet rektory Älımjan Bekejanūly şaranyŋ aşylu saltanatynda qatysuşylarǧa sättılık tılep, pedagogterdı Ūstazdar künımen qūttyqtady.
«Bügın ǧalymdar älemde teŋ därejede bılım berudı talqylaidy. Halyqaralyq deŋgeidegı mūndai ǧylymi konferensiiany ötkızu universitetımız üşın ülken märtebe. Şarany ūiymdastyrudaǧy basty maqsatymyz – jahandanu däuırınde tūtas bılım beru jüiesıne negızdelgen qūndylyqtardy jäne türlı mädenietter arasyndaǧy yntymaqtastyq qarym-qatynasty därıpteu. Sondai-aq otandyq jäne halyqaralyq ǧalymdarmen ǧylymi jäne käsıbi bailanys ornatatyn alaŋ qūru, bılım salasyndaǧy özektı mäselelerdıŋ oŋtaily şeşımın tabu. Osy ekı künnıŋ ışınde atalǧan mäseleler boiynşa ūsynǧan zertteuler bılım beru prosesın damytuǧa üles qosady degen senımdemın. Konferensiiaǧa qatysyp jatqan ūstazdar qauymyn käsıbi merekesımen qūttyqtaimyn», - dedı ol.
Abai atyndaǧy qazaq ūlttyq pedagogikalyq universitetınıŋ rektory, PhD doktor Darhan Bılälov ǧylymi şaranyŋ maŋyzdylyǧyn atap öttı.
«Bügıngı halyqaralyq ǧylymi konferensiia – öte maŋyzdy şara. Taqyryptyŋ özı aityp tūrǧandai, ǧalymdar älemdegı özektı mäselelerdıŋ bırın köterıp jatyr. Bırınşıden, balalardyŋ teŋ därejede sapaly bılım aluy kerek. Būl Qazaqstanda ǧana emes, älem boiynşa kün tärtıbınde tūrǧan özektı problema. Bügıngı konferensiiaǧa qatysyp jatqan zertteuşıler osy taqyryptaǧy zertteulerı turaly aityp, maŋyzdylyǧyn tüsındırıp qana qoimai, onyŋ naqty şeşu joldaryn, mehanzimın de ūsynyp jatyr», – dedı rektor.
Halyqaralyq ǧylymi konferensiiada onlain jäne oflain formatta bılım beru jüiesın jaqsartuǧa arnalǧan köptegen ideia aitylyp, ǧalymdar zertteu jūmystarymen bölısıp jatyr. Olardyŋ ışınde bılım beru salasyndaǧy täuelsız zertteuşı, Ündıstannan kelgen professor Sugata Mitra, London universitettık kolledjınıŋ ǧylym jäne ekologiialyq bılım beru professory Justin Dillon, professor, doktor, Tailandta Parlamentınıŋ deputaty Kanok Wongtrangan, Abai atyndaǧy Qazaq ūlttyq pedagogika universitetınıŋ rektory, PhD doktory Darhan Bılälov, Qazaq ūlttyq qyzdar pedagogikalyq universitetınıŋ rektory, PhD doktory Gülmira Qanai, KİMEP universitetınıŋ dekany, professor Juldyz Smagulova, Nazarbaev universitetınıŋ professory Duişon Şamatov basty spikerler retınde qatysyp jatyr.
