Qazaqstanda 100 jastaǧy jäne odan da ülkenırek jastaǧy 487 azamat bar. Eŋ jasy ülken qazaqstandyq Türkıstan oblysynda tūrady, ol 121 jasqa tolǧan tuǧan künın atap öttı, dep habarlaidy «Adyrna» tılşısı.
«Ädette, elımızdıŋ oŋtüstık öŋırınde eŋ köp ömır süredı deuge bolady. Türkıstan oblysynda 100 jäne odan joǧary jastaǧy 75 adam bar. Ūzaq ömır süruşıler sany boiynşa ekınşı orynda elımızdıŋ eŋ ırı qalasy – Almaty. Onda 100 jastan asqan 62 adam tūrady. Ūzaq ömır süretınder sany boiynşa üşınşı orynda Almaty oblysy tūr, onda 100 jäne odan joǧary jastaǧy 55 adam tūrady. Eŋ qart qazaqstandyqtardyŋ üştıgıne Türkıstan oblysynyŋ tūrǧyndary – 121 jas, Şymkent qalasy – 120 jas, Jambyl oblysy – 119 jas kırdı. Qazaqstanda barlyǧy 100 jastan asqan 31 adam tūrady»,–dedı Eŋbek jäne halyqty äleumettık qorǧau ministrlıgı.Esterıŋızge sala keteiık, jyl saiyn bükıl älemde, onyŋ ışınde Qazaqstanda da 1 qazanda Halyqaralyq qarttar künı atap ötıledı. Būl merekenı 1990 jyly 14 jeltoqsanda Bırıkken Ūlttar Ūiymynyŋ Bas Assambleiasy 45 sessiiada jariialady.
